यशोदा गायकवाड या ६८ वर्षीय आजीला त्यांच्या ३३ वर्षीय नातवाने तिघा मित्रांच्या मदतीने २१ जूनच्या रात्री आरेच्या जंगलात आणून सोडले होते. रात्रभर देवाचा धावा करत मदतीच्या प्रतीक्षेत त्या तिथेच पडून राहिल्या. अखेर पोलिसांनी त्यांना उचलून रुग्णालयामध्ये नेले.
UPSC टॉपर सृष्टी देशमुखचा IAS नवरा गोत्यात, 5 कोटींच्या लाचखोरीचे आरोप, 509996000 रुपये माफ करण्यासाठी…
‘महाराष्ट्र टाइम्स’च्या प्रतिनिधीने कूपर रुग्णालयामध्ये त्यांची भेट घेतली, तेव्हा त्या रात्रीच्या आठवणींनीही त्या थरथरत होत्या. आपल्या आयुष्याचा कष्टमय प्रवास त्यांनी त्यावेळी उलगडून सांगितला. पाटीपुस्तकामधील अक्षरे गिरवली नसली, तरी दुनियेच्या अनुभवशाळेतले शहाणपण त्यांच्याकडे होते. आयुष्यातल्या अनेक छोट्यामोठ्या लढाया त्यांनी हिंमतीने लढल्या होत्या.

मूळ बीड जिल्ह्यातील असलेल्या त्या लग्नानंतर मुंबईला आल्या. काही वर्षांत पतीचे निधन झाले, पुढे मुलांचाही मृत्यू झाला. मुलीच्या मुलासोबत, नातवासोबत त्या राहत होत्या. एकीकडे त्या त्वचेच्या कॅन्सरमुळे त्रस्त झाल्या होत्या अन् पोटापाण्याच्या झगड्यात नातू पिचून निघाला होता. त्या विषण्ण मनस्थितीमध्ये नातवाकडून ते कृत्य झाल्याचे आजी पुन्हापुन्हा त्या भेटीदरम्यान सांगत राहिल्या.
Delhi Crime : तोंडात गर्भनिरोधक गोळी कोंबली, विद्यार्थिनीवर लैंगिक अत्याचार, विद्यापीठ सुरक्षारक्षकासह चौघांवर गुन्हा
रुग्णालयातून घरी सोडल्यानंतर कुठे जाणार हा प्रश्न होताच. शरीरात कॅन्सरने हातपाय पसरले होते. समाजसेविका रश्मीन व्होरा यांनी त्यांना उत्तन येथील एका आश्रमामध्ये नेले, तिथे त्यांच्यावर वैद्यकीय उपचारही करण्यात आले. यशोदा यांच्यासाठी शेवटचा काळ असह्य वेदनांमुळे अत्यंत अवघड होता. त्यावेळी त्यांचा दुरावलेला नातू, नातसूनही पुन्हा नियमितपणे भेटायला येत, आजीची विचारपूस करत. समाजसेविका रश्मीन यांनीही मोलाची वैद्यकीय मदत केली.