भागवत अंकुश राठोड असं आत्महत्या केलेल्या तरुणाचं नाव असून त्याची आई सुनिता राठोड यांनी तलवाडा पोलीस ठाण्यात तक्रार दिली. या तक्रारीनुसार भागवत राठोड याला पत्नी, सासरा आणि मामेसासरा हे मानसिक त्रास देत होते. त्यामुळे तो नैराश्यात होता असं म्हटलं आहे. त्यातूनच त्याने 1 ऑक्टोबर रोजी राहत्या घरी गळफास घेत आत्महत्या केली. आत्महत्येपूर्वी त्याने एक चिठ्ठीही लिहून ठेवली, ज्यात होणाऱ्या त्रासाचा उल्लेख करण्यात आला आहे. मुलाच्या मृत्यूच्या दुःखातून सावरल्यानंतर भागवतच्या आईने पोलीस स्टेशनमध्ये ही तक्रार नोंदविली आहे. दरम्यान, याप्रकरणी त्याची पत्नी राणी राठोड, सासरा संतोष राठोड आणि मामेसासरा दत्ता राठोड यांच्या विरोधात तलवाडा पोलीस ठाण्यात आत्महत्येस प्रवृत्त केल्याप्रकरणी गुन्हा नोंद करण्यात आला आहे.

एकनाथ शिंदेंकडून तंबी, पण धंगेदरांचा ‘दंगा’ सुरूच; भाजपच्या नेत्यावर गंभीर आरोप, म्हणाले…

सतीश भोसलेच्या कुटुंबावर जीवघेणा हल्ला

बीडमध्ये दिवसेंदिवस गुन्हेगारीचं प्रमाण वाढत चाललं आहे. याचदरम्यान, आता बीड जिल्ह्यातील शिरूर तालुक्यात खळबळजनक प्रकार समोर आला आहे. काही दिवांपूर्वी आमदार सुरेश धस यांचा निकटवर्तीय मानला जाणारा सतीश उर्फ खोक्या भोसले चर्चेत आला होता. आता त्याच्याच कुटुंबावर मध्यरात्रीच्या सुमारास अज्ञात टोळक्याने प्राणघातक हल्ला केला असल्याची घटना उघडकीस आली आहे. या घटनेत चार महिला गंभीर जखमी झाल्या आहेत. तर एका महिलेची प्रकृती गंभीर असल्याची माहिती समोर आली आहे.

Pune Crime: दुकानात चोरी करायला शिरले, नागरिकांनी पकडलं अन् बेदम मारलं; पुण्यात एका चोराचा मृत्यू

ही धक्कादायक घटना शिरूर तालुक्यातील तहसील कार्यालयाजवळील गायरान वस्तीमध्ये घडली. मध्यरात्री साडेअकरा वाजण्याच्या सुमारास 10 ते 15 जणांच्या टोळक्याने अचानक हल्ला चढवला. टोळक्याच्या हातात दांडगे, कोयते, कुऱ्हाडी होत्या आणि त्यांनी कुटुंबातील महिलांवर अमानुष हल्ला केला.