सीसीटीव्हीत कैद झालेला अपघात

या घटनेचा थरार सीसीटीव्ही कॅमेरात स्पष्टपणे कैद झाला आहे. मृताचे नाव पुरुषोत्तम मोहुर्ले असे असून, ते मुख्य रस्ता ओलांडत असताना समोरून भरधाव वेगात येणाऱ्या ट्रॅव्हल्स बसने त्यांना जबर धडक दिली. अपघात इतका भीषण होता की, मोहुर्ले यांचा जागीच मृत्यू झाला. घटनेची माहिती मिळताच सावली पोलिसांनी घटनास्थळ गाठले आणि बस चालकाला ताब्यात घेतले. सध्या पुढील तपास सावली पोलीस करत आहेत. या घटनेनंतर सावली तालुक्यात सर्वत्र हळहळ व्यक्त केली जात आहे.Accident News : शेतीचे ऑनलाईन काम करुन परतताना अनर्थ, धोकादायक वळणावर दुचाकींची जोरदार धडक, बाप-लेकासह तिघांचा मृत्यू

खड्ड्यांचा प्रश्‍न अजूनही कायम

चंद्रपूर जिल्ह्यातील रस्त्यांची अवस्था गेल्या काही महिन्यांपासून अत्यंत खराब आहे. सर्वत्र खड्डेच खड्डे असून, अनेक अपघातांचे कारण हेच ठरत आहे. या खड्ड्यांनी अनेकांचे प्राण घेतले असून, कडोंना कायमचे अपंगत्व दिले आहे. वाहनचालक, प्रवासी आणि स्थानिक नागरिकांकडून प्रशासनाविरुद्ध तीव्र नाराजी व्यक्त केली जात आहे.

धक्कादायक आकडेवारी

चंद्रपूर शहर आणि जिल्ह्यात गेल्या दहा महिन्यांत तब्बल 567 अपघात नोंदवले गेले आहेत. या अपघातांमध्ये 266 जणांचा मृत्यू झाला असून, त्यापैकी 223 पुरुष आणि 43 महिला आहेत.
तसेच 227 पुरुष आणि 51 महिला गंभीररित्या जखमी झाले आहेत. अनेकजण आजही उपचार घेत आहेत, तर काहींना कायमचे अपंगत्व आले आहे. हा आकडा चिंताजनक असून, रस्ते सुरक्षा व्यवस्थेवर मोठा प्रश्न उपस्थित करतो.

नावालाच वाहतूक विभाग?

चंद्रपूर जिल्हा औद्योगिक म्हणून ओळखला जातो. दिवस-रात्र येथे अवजड वाहनांची वाहतूक सुरु असते. मात्र, या वाहतुकीदरम्यान नियमांचे उल्लंघन होत असतानाही संबंधित विभाग डोळेझाक करत असल्याचा आरोप होत आहे. स्थानिक नागरिकांच्या म्हणण्यानुसार, जड वाहनांना वाहतूक शाखेकडून अभय दिलं जातं, तर साध्या वाहनचालकांवर कारवाई केली जाते.