नेमकी घटना काय?

धुळे जिल्ह्यातील निजामपूर परिसरातील डोमकाणी येथील छगन अनिल पिसाळ व त्यांचे सहकारी कळप घेऊन महाराष्ट्रातून गुजरातच्या दिशेने जात होते. त्याचवेळी नवापूर तालुक्यातील पानबारा गावाच्या शिवारातून भरधाव वेगाने जाणारा ट्रक क्र. GJ 20 V 4159 जात असताना ट्रक चालकाचं वाहनावरील नियंत्रण सुटल्यानं ट्रक थेट मेंढ्यांच्या कळपात शिरला. या अपघातात 20 मेंढ्यांचा दुर्दैवी मृत्यू झाला. तर काही मेंढ्या गंभीर जखमी झाल्याची घटना आज शनिवारी रोजी सकाळी घडली.

Raigad Crime : जुन्या वादाचा राग, मध्यरात्री अख्खं कुटुंब साखरझोपेत, घरात घुसून प्राणघातक हल्ला; रायगड हादरलं

या अपघातानंतर रस्त्यावर रक्तबंबाळ अवस्थेत मेंढ्यांचे मृतदेह पसरले होते. घटना घडताच अपघात स्थळावरून ट्रकचालक पसार होण्याचा प्रयत्न करत असताना महामार्गावर पाठलाग करून मोरकरंजा येथील स्थानिक नागरिक व मेंढपाळांनी मोटरसायकलवर पाठलाग करून सोनखांब गावाजवळ त्याला ताब्यात घेतलं. घटनेची माहिती मिळताच महामार्ग वाहतूक सुरक्षा पोलीस, सहाय्यक पोलीस निरीक्षक विवेक पाडवी व विसरवाडी पोलीस ठाण्याचे सहाय्यक निरीक्षक नरेंद्र साबळे यांचे पोलिस पथक घटनास्थळी दाखल झाले. रात्री उशिरापर्यंत गुन्हा नोंदविण्याची प्रक्रिया सुरू होती. अपघातामुळे महामार्गावर काही काळ वाहतूक कोंडी निर्माण झाली होती. या घटनेनंतर मेंढपाळ यांनी एकच आक्रोश केला.

Kolhapur Crime : कोल्हापुरात चाललंय काय? तळसंदेनंतर पेठवडगावात धक्कादायक प्रकरण, बाथरुमध्ये नेऊन विद्यार्थ्याला मारहाण

6 वर्षीय विद्यार्थी अचानक खाली कोसळला

दोन दिवसांपूर्वी नंदूबार जिल्ह्यातील नवापूर तालुक्यात खडकी येथील शासकीय माध्यमिक आश्रमशाळेतील पहिलीत शिक्षण घेत असलेल्या विद्यार्थी काल बुधवारी रात्री साडेदहा वाजेच्या सुमारास लघुशंका करण्यासाठी गेला असता अचानक शौचालयात खाली पडला. त्यानंतर त्याची तब्येत खराब झाल्याची घटना घडली. त्या विद्यार्थ्याला खांडबारा ग्रामीण रुग्णालयात नेण्यात आलं. मात्र, डॉक्टरांनी विद्यार्थ्याला मृत घोषित केलं. बालकाचा मृत्यू झाल्यानं आई-वडिलांनी रुग्णालयात प्रचंड आक्रोश केला. या घटनेची चौकशीची मागणी विद्यार्थ्यांच्या परिवाराने केली आहे.