धक्कादायक म्हणजे या कार्यकर्त्यावर यापूर्वी विमानतळ, मुंढवा आणि कोरेगाव पार्क पोलीस ठाण्यांत गुन्हे दाखल आहेत. तरीदेखील नेत्यांच्या भीतीपोटी उत्पादन शुल्क विभाग थेट कारवाई करण्यास भाग पडत असल्याचं समजतं.
बिल्डरच्या डोक्यावर बंदूक रोखत 10 फ्लॅट मागितले, थेट ताबा घेतला, सचिन घायवळचा नवा कारनामा
विमाननगर परिसरातील एका बारला अडचणीत आणण्यासाठी या कार्यकर्त्याने बनावट आधार कार्ड तयार करून एका अल्पवयीन युवतीला ग्राहक म्हणून पाठवलं. ती आणि तिचा मित्र खोटं आधार कार्ड दाखवून बारमध्ये प्रवेश करून दारू मागवतात. त्यानंतर त्या मित्राने लपून व्हिडिओ शूट केला आणि सोशल मीडियावर अपलोड करून असा दावा केला की “या बारमध्ये अल्पवयीन मुलांना दारू दिली जाते.”
Pune News : पुणेकरांचा प्रवास सुखकर होणार, हडपसर – खडकीमधून विशेष सुविधा; दिवाळीसाठी…
या प्रकरणात बार मालकांनी पुरावे सादर करून निर्दोषत्व सिद्ध केलं, मात्र त्यांना अनेक प्रशासकीय प्रक्रियेतून जावं लागलं. एक आठवडा बार बंद राहिल्याने मोठं आर्थिक नुकसान सहन करावं लागलं. मुलीला एक महिन्याची नोटीस जाहीर केली तरीदेखील, चौकशीसाठी त्या युवतीला पोलिसांनी अद्याप हजर केलेलं नाही, आणि हे प्रकरण थांबलेलं दिसत आहे. बार मालक कारवाईच्या प्रतिक्षेत आहे.

दरम्यान, ही कारवाई शांत झाल्यानंतर पुन्हा एकदा उत्पादन शुल्क विभागाला काही बारवर कारवाई करण्याचे फोन करण्यात आले आहेत. या कार्यकर्त्याबद्दल माहिती घेतली असता, त्याने पूर्वी सत्ताधारी पक्षातील एका नेत्याचे बॅनर शहरभर झळकवले असल्याचं समोर आलं. मात्र संबंधित नेत्याला विचारलं असता त्यांनी स्पष्ट केलं की, “तो माझा कार्यकर्ता नाही. अनेक लोक फोटो काढतात, त्यामुळे ते माझे कार्यकर्ते होत नाहीत.”

तथापि, ज्या नेत्याच्या नावाचा वापर करून हा व्यक्ती सध्या हे सर्व प्रकार करत आहे, त्या नेत्याने आता फोन उचलणंही टाळलं आहे. त्या नेत्याचे फ्लेक्स पूर्ण विमाननगर भागात झळकत असून, स्थानिकांमध्ये त्याबद्दल तीव्र नाराजी आहे.

या व्यक्तीचा त्रास फक्त एका बारपुरता मर्यादित नसून, त्याने अनेक हॉटेल्स आणि व्यावसायिकांना गंडा घातल्याचंही समोर आलं आहे. काही हॉटेल्स त्याने बंद पाडले असून, काही ठिकाणी वेंडरची लाखो रुपयांची देणी थकीत ठेवली आहेत. त्यामुळे असे फोटो काढताना किंवा संपर्क ठेवताना नेत्यांनीही आता सावधगिरी बाळगणं गरजेचं असल्याचं मत व्यक्त होत आहे.