या प्रकरणी आरोपी शुभम ऊर्फ हृषीकेश बाजीराव भागवत (वय २२) याच्या विरोधात खून करणे, जीवे मारण्याची धमकी देणे, शस्त्रास्त्र कायदा आणि मुंबई पोलिस कायद्याच्या विविध कलमांनुसार आरोप निश्चित करण्यात आले आहेत. त्याच्या विरोधात मृत मुलीच्या चुलत बहिणीने बिबवेवाडी पोलिस ठाण्यात तक्रार दिली होती.

काय आहे प्रकरण?

ही घटना १२ ऑक्टोबर २०२१ रोजी पुण्याच्या बिबवेवाडीतील यश लॉन्स येथे घडली होती. मृत मुलगी इयत्ता आठवीत शिक्षण घेत होती. तिने प्रेमाला नकार दिल्याने आरोपीने चाकूने २२ वेळा वार करून तिचा निर्घृण खून केला, असे तक्रारीत नमूद आहे. या घटनेचे पडसाद विधानसभेतही उमटले होते.
Pune News : पुण्यात उच्चशिक्षित जोडप्याचा संसार २८ दिवसात तुटला, कोर्टाकडून घटस्फोट मंजूर, पोटगीबाबत मोठा निर्णय
या प्रकरणात १२ साक्षीदारांनी साक्ष नोंदवण्यात आली आहे. त्यांपैकी प्रत्यक्षदर्शी साक्षीदारांनी आरोपीला न्यायालयात ओळखले असून, निर्भीडपणे साक्ष नोंदवली. रक्ताच्या थारोळ्यात पडलेल्या मुलीवर आरोपी कोयत्याने वार करत होता, हे सांगताना साक्षीदारांना अश्रू अनावर झाले होते.

युक्तिवाद काय झाला?

अतिरिक्त जिल्हा आणि सत्र न्यायाधीश एस. आर. साळुंखे यांच्या न्यायालयात हा खटल्याची सुनावणी सुरु आहे. त्यामध्ये सरकारपक्षातर्फे अंतिम युक्तिवाद करण्यात आला. ‘हा दुर्मीळातील दुर्मीळ गुन्हा आहे. मृत मुलगी आई-वडिलांना एकुलती एक होती. संपूर्ण राज्याचे लक्ष या निकालाकडे लागले आहे. आरोपीला फाशीची शिक्षा देणे योग्य राहील. त्यामुळे समाजात असे गुन्हे करणाऱ्यांना एक कठोर संदेश जाईल,’ असा युक्तिवाद विशेष सरकारी वकील झंजाड यांनी केला.
Virar Crime : दोघा कॉलेजवयीन मुलांनी एकत्र आयुष्य संपवलं, विरारमधील प्रकार, वडील म्हणाले तिसरा मित्रही होता, त्यानेच…
आपल्या युक्तिवादाच्या समर्थनार्थ विविध न्याय निवाड्यांचे दाखलेही त्यांनी दिले. या प्रकरणात आता १६ ऑक्टोबरला बचाव पक्षातर्फे अंतिम युक्तिवाद केला जाणार आहे.