ब्लॉकमुळे रद्द झालेल्या महत्त्वाच्या ट्रेनमध्ये सहा महत्त्वाच्या ट्रेनच्या समावेश आहे.

रद्द झालेल्या एक्सप्रेस कोणत्या?

– सीएसएमटी-पुणे-सीएसएमटी प्रगती एक्स्प्रेस (१२१२५/२६),
– ‘डेक्कन क्वीन’ (१२१२३/२४),
– डेक्कन एक्स्प्रेस (११००८),
– इंटरसिटी एक्स्प्रेस (१२१२८)
– इंद्रायणी एक्स्प्रेस (२२१०६) यांचा समावेश आहे.
दिवाळीत कोकण रेल्वे मार्गावर प्रवास करणाऱ्यांसाठी मेमू स्पेशल ट्रेन; कधी-कुठून आणि केव्हा सुटणार? रेल्वे प्रशासनाची माहिती

या एक्सप्रेस फक्त पुण्यापर्यंतच धावतील –

तसंच, कोल्हापूर-सीएसएमटी कोयना एक्स्प्रेस (११०३०) आणि बंगळुरू-सीएसएमटी उद्यान एक्स्प्रेस (११३०२) या गाड्या केवळ पुणे स्थानकापर्यंतच धावतील. त्यानंतर पुढे येणारा पुणे ते मुंबई दरम्यानचा प्रवास रद्द राहणार आहे. त्यामुळे प्रवाशांनी वेळापत्रक पाहूनच आपल्या प्रवासाचं नियोजन करावं किंवा रद्द झालेल्या ट्रेनशिवाय इतर पर्यायी वाहतुकीची सोय करावी.
नवी मुंबईकरांसाठी महत्त्वाचे! कळंबोली बसथांब्याचे होणार स्थलांतर, पर्यायी व्यवस्था कुठे-कशी? जाणून घ्या
या ब्लॉक दरम्यान आणखी ९ मेल आणि एक्स्प्रेस ट्रेन पर्यायी मार्गाने वळवण्यात येत आहेत. तसंच काही लोकल ट्रेनसुद्धा रद्द होणार आहेत.

कोणत्या लोकल ट्रेन रद्द होणार?

– दुपारी १२.४० ची खोपोली-कर्जत,
– दुपारी १.१५ ची कर्जत-खोपोली,
– सायंकाळी ६.०२ ची खोपोली-सीएसएमटी
– सायंकाळी ७.४३ ची कर्जत-खोपोली, अशा रद्द झालेल्या ट्रेनचा यात समावेश आहे.

रेल्वे प्रशासनाचं प्रवाशांना आवाहन, ब्लॉकमुळे सेवा अधिक सुलभ होणार –

रेल्वे प्रशासनाने प्रवाशांना विनंती केली आहे की, प्रवासापूर्वी लोकल, एक्सप्रेसच्या वेळापत्रकाची आणि रद्दीकरणाची खात्री करून मगच प्रवासाचं नियोजन करावं. या ब्लॉकच्या कामामुळे पुढील काळात रेल्वे सेवा अधिक सुरक्षित आणि सुलभ होईल, असंही प्रशासनाकडून सांगण्यात आलं आहे.