Banned Cough Syrup in Beed: बीड जिल्ह्यात विक्रीस बंदी असलेल्या रेस्पिफ्रेश टीआर कफ सिरपचा मोठा साठा आढळून आला आहे. मध्यप्रदेशात या सिरपमुळे २० हून अधिक बालकांचा मृत्यू झाल्याने देशभरात खळबळ उडाली होती.
पुण्यातील एका वितरकाकडून बीडमधील दोन एजन्सींना या सिरपचा पुरवठा झाला असून त्या एजन्सीकडून बीड शहर, आष्टी, परळी आणि गेवराई येथील मेडिकलपर्यंत तो पोहोचल्याचं समोर आलं आहे. औषध प्रशासनाने तातडीने तपास सुरू केला असून सर्व साठा मागवण्याची प्रक्रिया सुरू असल्याचे सांगण्यात आले आहे. अहमदाबाद येथील स्मार्टवे वेलनेस प्रायव्हेट लिमिटेड कंपनीने तयार केलेल्या या सिरपमुळे जिल्ह्यात चिंतेचे वातावरण निर्माण झाले आहे.
Pune Crime : ‘मोदी आलेले तेव्हा आम्ही तिघं बसलेलो, घायवळचा विषय निघाल्यावर फडणवीसांनी…’; अजित पवार यांचा मोठा खुलासा
बीड शहर व तालुक्यात सर्वाधिक पुरवठा…
बीड शहर व तालुक्यात रेस्पिफ्रेश कफ सिरपचा मोठ्या प्रमाणात पुरवठा केला जात असल्याचे सांगण्यात आले आहे. यामध्ये बीड जिल्ह्यातील १७७, गेवराई तालुक्यात १६६, परळी तालुक्यात ७२ व आष्टी तालुक्यात १८ बाटल्यांचा पुरवठा झाला आहे. यातील काही बाटल्यांची विक्रीही झाली असल्याचेही सांगण्यात आले आहे.
CJI गवईंचा अवमान करणाऱ्या वकिलाला निलेश लंकेंनी भेट दिली संविधान प्रत आणि डॉ.आंबेडकर यांची फ्रेम
अजूनपर्यंत कोणाची तक्रार नाही
बंदी आसलेल्या रेस्पिफ्रेश कफ सिरपचा साठा विक्री करण्यासाठी काढलेला दोष सापडलेली बॅच व जिल्ह्यात असलेली बॅच ही वेगवेगळी असून अद्याप तरी जिल्ह्यात यामुळे कुणाला त्रास झाल्याची तक्रार दाखल करण्यात आलेली नाही, अशी दिलासादायक माहिती समोर आली आहे
लेखकाबद्दलसुनिल लाटेसुनिल प्रभाकर लाटे, हे एक पत्रकार आहेत. त्यांनी डॉ. बाबासाहेब आंबेडकर मराठवाडा विद्यापीठ येथून बी.ए व एम.ए. पत्रकारितेचं पदव्यूत्तर शिक्षण पूर्ण केलं आहे. कॉलेज जीवनातच ‘दैनिक दिव्य मराठी’मध्ये पत्रकारितेचं प्रत्यक्ष प्रशिक्षण घेतलं आहे. दोन वर्षे ‘लोकसत्ता डॉट कॉम’साठी ‘फोटोगॅलरी व वेबस्टोरी’ या विभागात काम केलं आहे. ते ६ ऑक्टोबर २०२५ पासून ‘महाराष्ट्र टाईम्स’ ऑनलाईनमध्ये कार्यरत आहेत. राजकारण, मनोरंजन, क्रीडा या विषयांच्या लिखाणात आवड आहे. याशिवाय काव्य लेखन, गीत लेखन आणि सादरीकरणातही स्वारस्य आहे. फोटोग्राफी, फोटो, व्हिडिओ संपादनातही खास रस आहे… आणखी वाचा