काय आहे प्रकरण?

तक्रारदार आमदार ठाण्यात राहत असून गेल्या वर्षी ते कोल्हापूर दौऱ्यावर होते, त्यावेळी त्यांना एका महिलेचे सातत्याने फोन येत होते. परंतु, फसवणूक होण्याच्या शक्यतेमुळे आमदाराने या महिलेचा फोन ब्लॉक केला होता. परत त्यांना एका महिलेचे व्हॉट्सॲप कॉल आणि मेसेज येऊ लागले. या महिलेने त्यांना अश्लील फोटो आणि व्हिडीओ देखील पाठवले होते. गेल्या महिन्यात परत संबंधित महिलेने या आमदाराला संपर्क साधत, पाच ते दहा लाख रुपयांची मागणी केली. या प्रकरणी या आमदाराने आपली प्रतिमा मलीन करण्याचा हेतुपुरस्पर प्रयत्न केल्याची तक्रार दाखल केली आहे. त्यानंतर, या महिलेच्या विरुद्ध ठाण्यातील चितळसर पोलिस ठाण्यात गुन्हा दाखल करण्यात आला आहे.
Y Puran Kumar Death : आजही मनात ‘ती’ जखम ताजी; IPS अधिकाऱ्याने अखेरच्या चिठ्ठीत सगळं सांगितलं, पत्नी म्हणाली माझ्या…

बिल भरण्याच्या बहाण्याने फसवणूक

दुसरीकडे, दादर येथे राहणाऱ्या ५७ वर्षीय महिलेची ऑनलाईन फसवणूक झाल्याचा प्रकार समोर आला आहे. दक्षिण मुंबईतील एका प्रसिद्ध महाविद्यालयात पीडित महिला ग्रंथपाल आहे. महाविद्यालयात असताना तिला मोबाइलवर गॅस बिल भरण्याबाबत एक संदेश आला होता. तिने मेसेजमधील क्रमांकावर संपर्क केला असता, समोरील व्यक्तीने तुमचं वीज बिल भरायचं बाकी असल्याचं सांगत गॅस कनेक्शन बंद होण्याची भीती घातली.

त्यावर महिलेने बिल भरण्याची तयारी दाखवताच समोरील व्यक्तीने एक अ ॅप डाऊनलोड करण्यास सांगितलं. अ ॅप डाउनलोड करताच महिलेच्या मोबाईलचा ताबा घेत समोरील व्यक्तीने घेत १७ वेळा ऑनलाईन व्यवहार करुन दोन लाख ७० हजार रुपये काढल्याचा आरोप होत आहे.
Pune News : पुण्यात उच्चशिक्षित जोडप्याचा संसार २८ दिवसात तुटला, कोर्टाकडून घटस्फोट मंजूर, पोटगीबाबत मोठा निर्णय
ओशिवरा येथील एका ज्येष्ठ महिलेबाबतही असेच घडले. तिने गॅस बिलाबाबत आलेल्या संदेशातील लिंकवर क्लिक केले. लिंकवर जाऊन अनेकदा प्रयत्न केला तरी बिल भरले जात नव्हते. त्यामुळे दुसऱ्या दिवशी महिलेने गॅस कंपनीच्या कार्यालयात जाऊन बिल भरले. मात्र त्यानंतर बँक खात्यामधील बॅलन्स तपासला असता एक लाख ७७ हजार रुपये परस्पर वळविण्यात आल्याचे लक्षात आले.