आज मुरलीधर मोहोळ यांनी पुण्यामध्ये यांनी भारताचे लोहपुरुष आणि राष्ट्रीय एकात्मतेचे शिल्पकार सरदार वल्लभभाई पटेल यांच्या 150व्या जयंती निमित्ताने संस्कृती प्रतिष्ठानच्या वतीने रविवारी दि. 9 नोव्हेंबर 2025 रोजी स. प. महाविद्यालय, टिळक रोड, पुणे येथे ‘पुणे रन फॉर युनिटी’, महामॅरेथॉनचे आयोजन संदर्भात पत्रकार परिषद घेतली. ही पत्रकार परिषद सुरु असताना मुरलीधर मोहोळ यांना पुण्यातील वाढत्या गुन्हेगारी बद्दल प्रश्न विचारला. मात्र पुण्याचे खासदार असणारे आणि ‘पुण्याचा धुरंधर आपला मुरलीधर’ अशी बिरूदावली मिरवणारे मोहोळ एक शब्दही गुन्हेगारीवर न बोलता उठून गेले. याउलट गुन्हेगारी वर नाही मॅरेथॉनवर बोला असं सुनावून सुद्धा गेले.

मोदींचा कानमंत्र, फडणवीस कामाला लागले, महाविकास आघाडीची चिंता वाढवणारी बातमी

दरम्यान, गेल्या महिन्यात मुरलीधर मोहोळ ज्या कोथरूड परिसरातून येतात त्याच कोथरूड परिसरात निलेश घायवळ टोळीच्या गुंडांनी गोळीबार केला होता. त्यानंतर घायवळ टोळीचे राजकीय कनेक्शन सुद्धा समोर आले. यामध्ये शिवसेनेचे नेते रवींद्र धंगेकर यांनी तर थेट मंत्री चंद्रकांत पाटील यांचाच हात घायवळ वर असल्याचा गंभीर आरोप केला. बोगस पासपोर्ट, नावा फेरफार करून दोन ठिकाणी मतदान ओळखपत्र इतकच नाही तर करोडोंची माया जमवून घायवळ परदेशात फरार झाला आहे. पुण्यात इतकं सगळं होत असताना खासदार मात्र अगदी सहज गुन्हेगारांच्या प्रश्नाला बगल देऊन उठले.

बिल्डरच्या डोक्यावर बंदूक रोखत 10 फ्लॅट मागितले, थेट ताबा घेतला, सचिन घायवळचा नवा कारनामा

मोहोळ प्रश्नांना उत्तर देत माहित हे पाहिल्यानंतर पत्रकारांनी त्यांना पुन्हा पुन्हा पुण्यासंदर्भात महत्त्वाचा प्रश्न आहे किमान गुन्हेगारीवर तरी बोला, असं हटकलं. मात्र, आज मॅरेथॉन वर बोला असं मोहोळ यांनी पत्रकारांना सांगितलं. त्यावर गुंड परदेशात पळत आहेत ही मॅरेथॉन काय कमी आहे का? असं पत्रकारांनी मुरलीधर मोहोळ यांना विचारल असता त्यांनी रीतसर याला बगल देत काढता पाय घेतला. त्यामुळे पुण्याचा कारभारी होण्याची घाई झालेल्या खासदारांना गुन्हेगारीवर का बोलायचं नाही हा प्रश्न या निमित्ताने उपस्थित होत आहे.