पंतप्रधान नरेंद्र मोदी यांच्या हस्ते Navi Mumbai Internationa Airport च्या पहिल्या टप्प्याचं आज उद्घाटन पार पडलं. यावेळी आपल्या भाषणात पंतप्रधान नरेंद्र मोदी लोकनेते दि. बा. पाटील यांचं नाव घेण्यास विसरले नाहीत.
Navi Mumbai International Aiport ला लोकनेते दि. बा. पाटील यांचं नाव दिलं जावं, अशी इथल्या स्थानिक भूमिपुत्रांची मागणी आहे. त्यांच्या या मागणीनुसार अनेक घडामोडी घडल्या आहेत. स्थानिकांनी यासाठी आंदोलन देखील केलं होतं. या सर्व घडामोडींनंतर दि. बा. पाटील यांच्या नावाचा प्रस्ताव केंद्रात पाठवण्यात आला आहे. तिथे प्रस्ताव मान्य झाल्यानंतर विमानतळाला नाव देण्यात येणार आहे. या सगळ्या घडामोडींदरम्यान आज विमानतळाच्या पहिल्या टप्प्याचं उद्घाटन पार पडलं. यावेळी मुख्यमंत्री देवेंद्र फडणवीस यांच्या पाठोपाठ पंतप्रधान नरेंद्र मोदी यांनीदेखील आपल्या भाषणात दि. बा. पाटील यांचा उल्लेख केला.
नरेंद्र मोदी दि. बा. पाटील यांच्याबद्दल नेमकं काय म्हणाले?
“आज या मोठ्या क्षणी महाराष्ट्राचे सपुत लोकनेता दि. बा. पाटील यांच्या देखील स्मृतींना उजाळा देतो. त्यांनी समाज, शेतकऱ्यांसाठी ज्या सेवाभावाने काम केलं ते आमच्या सर्वांसाठी एक प्रेरणा आहे. त्यांचं जीवन समाज जीवनात काम करणाऱ्यांना नेहमी प्रेरित करतं”, असं नरेंद्र मोदी लोकनेते दि. बा. पाटील यांच्याबद्दल म्हणाले.
नवी मुंबई आंतरराष्ट्रीय विमानतळाच्या उद्घाटनावेळी मुख्यमंत्र्यांनी भूमिपुत्रांची मनं जिंकली, भाषणात म्हणाले…
नरेंद्र मोदी यांनी मराठीतून आपल्या भाषणाला सुरुवात केली. “विजयादशमी झाली. कोजागिरी पौर्णिमा सुद्धा झाली. आता दहा दिवसांनी दिवाळी. तुम्हाला या सर्वांसाठी खूप खूप शुभेच्छा देतो”, असं नरेंद्र मोदी आपल्या भाषणात म्हणाले. “आज मुंबईची मोठी प्रतिक्षा संपली आहे. मुंबईला आपला दुसरा आंतरराष्ट्रीय विमानतळ मिळाला आहे. हे विमानतळ या क्षेत्राला आशियाच्या सर्वात मोठ्या कनेक्टिविटी हबच्या रुपाने स्थापन करण्यासाठी खूप मोठी भूमिका निभावणार आहे”, असा दावा नरेंद्र मोदी यांनी केला.
“आज मुंबईला पूर्णपणे अंडरग्राउंड मेट्रो मिळाली आहे. यामुळे मुंबईत प्रवास करणं आणकी सोपं होईल. लोकांचा वेळ वाचेल. ही अंडग्राऊंड मेट्रो विकसित भारताचं जिवंत प्रतिक आहे. मुंबई सारख्या व्यस्त शहरात जमिनीच्या खाली ही शानदार मेट्रो बनवण्यात आली आहे. मी या प्रकल्पाशी जोडले गेलेल्या प्रत्येकांचं अभिनंदन करतो”, असं मोदी म्हणाले.
“ही वेळ भारताच्या तरुणांसाठी अगणित संधीची वेळ आहे. काही दिवसांपूर्वी देशाच्या अनेक आयटीआयला इंडस्ट्रीजसोबत जोडण्यासाठी 60 हजार कोटींची पीएम सेतू स्किम लाँच झाली आहे. आजपासून महाराष्ट्र सरकारने शेकडो आयटीआय शाळांमध्ये नव्या प्रोग्रॅमची सुरुवात केली आहे. त्यामध्ये ड्रोन, रोबोटिक्स, इलेक्ट्रिक गाड्या, सोलार एनर्जी, ग्रीन हायड्रोजन अशा अनेक टेक्नोलॉजींना टायमिंग मिळेल. मी महाराष्ट्राच्या तरुणांना खूप खूप शुभेच्छा देतो”, असं नरेंद्र मोदी म्हणाले.
“आज पूर्ण देश विकसित भारताच्या संकल्पात जोडला गेला आहे. विकसित भारत म्हणजे गती आणि प्रगती असेल. जिथे लोकहित सर्वोपरि असेल. जिथे सरकारची योजना देशवासियांचं आयुष्य सोपं बनवेल”, असंदेखील नरेंद्र मोदी म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा