पोलिसांनी दिलेल्या माहितीनुसार, 2021 साली लोणी काळभोर पोलीस ठाण्यात भारतीय दंड संहिता कलम 457 व 380 अंतर्गत घरफोडीचा गुन्हा नोंदवण्यात आला होता. त्यानंतर घारोळे हा आरोपी फरार झाला होता. मागील चार वर्षांपासून तो आपली ओळख लपवून विविध ठिकाणी वास्तव्य करत पोलिसांना दिशाभूल करत होता. दरम्यान, युनिट क्र. 6 चे पथक नियमित गस्तीदरम्यान कोम्बिंग ऑपरेशन राबवत असताना, एका माहितीदारामार्फत पोलिसांना घारोळे हा बिराजदार नगर येथील कॅनल परिसरात दिसल्याची माहिती मिळाली. मिळालेल्या माहितीच्या आधारे पोलिसांनी तत्काळ सापळा रचून आरोपीला शिताफीने ताब्यात घेतले.

Pune News : ‘तो मी नव्हेच’; मारलं एकाला, चर्चा दुसऱ्याची; पठारे-खांदवे प्रकरणात भाजपची कशी झाली एन्ट्री?

अटक केल्यानंतर आरोपीची वैद्यकीय तपासणी करून त्याला पुढील चौकशीसाठी लोणी काळभोर पोलीस ठाण्याच्या ताब्यात देण्यात आले आहे. या उल्लेखनीय कारवाईत गुन्हे शाखेचे युनिट क्र. 6 चे पोलीस निरीक्षक वाहिद पठाण, सहाय्यक पोलीस निरीक्षक राकेश कदम, पोलीस हवालदार नितीन मुंढे, कानिफनाथ कारखेले, काटे, लांडे, धाडगे आणि त्यांच्या सहकाऱ्यांचा मोलाचा सहभाग होता.

दरम्यान, पोलिसांच्या या कारवाईमुळे घरफोडीच्या गुन्ह्यांमध्ये सामील असलेल्या फरार गुन्हेगारांना चांगलाच धडा मिळाला आहे, अशी प्रतिक्रिया वरिष्ठ अधिकाऱ्यांनी दिली.