यामागचं नेमकं कारण काय हे अजून कळू शकलेलं नाही. वैभव खेडेकरांचा भाजप प्रवेश न झाल्याने त्यांची गत आता ‘ना घर ना घाट का’ अशी झाल्याची चर्चा राजकीय वर्तुळात रंगली आहे. मिळालेल्या अधिकच्या माहितीनूसार पक्षात प्रवेश करण्यासाठी मुंबईमध्ये वैभव खेडेकरांना भाजपचं अधिकृत असं निमंत्रणही मिळालेलं नाही. दरम्यान, असंही कळतंय की, तीनवेळा पक्षप्रवेश ठरलेला असताना प्रत्येकवेळी मुहूर्त मात्र टळला आहे. त्यामुळे वैभव खेडेकरांनी आता स्वतःच पुढाकार घेत मुंबई गाठली आहे. त्यांनी भाजपच्या नेत्यांच्या भेटी घेण्यास सुरुवात केली आहे. आज त्यांनी भाजपचे प्रदेशाध्यक्ष रवींद्र चव्हाणांची भेट घेतली आहे. त्याचबरोबर ते प्रवीण दरेकरांनाही भेटले आहेत.
पंतप्रधान मोदी यांनी भाषणात घेतलं दि. बा. पाटील यांचं नाव अन् टाळ्यांचा कडकडाट… नवी मुंबई विमानतळाच्या उद्घाटनावेळी काय घडलं?

या भेटींमागचं नेमकं कारण अद्यापतरी समोर आलेलं नाही आहे, त्यामुळे वैभव खेडेकरांना भाजपत प्रवेश मिळण्यासाठी आणखी किती काळ वाट पाहावी लागणार हे स्पष्ट होऊ शकलेले नाही. मनसेत असताना मोठा मान मिळत असलेले व राज ठाकरेंचा विश्वास संपादन केलेले वैभव खेडेकर हे त्यांच्या राजकीय भवितव्याच्या गर्तेत अडकले आहेत.

दरम्यान, वैभव खेडेकरांबद्दल सांगायचं झाल्यास मनसेच्या स्थापनेपासूनच ते राज ठाकरेंबरोबर राहिले होते. वैभव खेडेकरांनी खेड नगरपरिषदेवर मनसेचा झेंडा फडकावला होता. ते खेडचे नगराध्यक्षही राहिले आहेत. यंदा मात्र खेडचे नगराध्यक्षपद खुल्या महिला प्रवर्गासाठी राखीव राहिल्याने खेडेकरांना पदाबाबत फटका बसला असल्याचे राजकीय जाणकार सांगतात.