ध्रुव व बाबूमध्ये गेल्या अनेक दिवसांपासून पैशासाठी वाद सुरू होता. काही दिवसांपूर्वी दोघांमध्ये हाणामारीही झाली. या हाणामारीनंतर बाबू आपल्याला ठार मारेल, अशी भीती ध्रुव याला होती. काल मंगळवारी रात्री बाबू हा दारू पिवून घरी झोपला होता. रात्री ध्रुव त्याच्या घरी आला. त्याला उठविले. त्यानंतर ध्रुव हा मोटारसायकलने बाबूला घेऊन निर्माणाधीन इमारतीत गेला. तेथे दोघांनी दारू व गांजा प्यायला. त्यानंतर दोघांमध्ये पैशावरून वाद झाला. वाद विकोपाला गेला. संतप्त ध्रुवने चाकूने बाबूच्या शरीरावर वार केले. बाबू गंभीर जखमी झाला. ध्रुव तेथून पसार झाला. दरम्यान, परिसरातील नागरिकांना बाबू हा रक्ताच्या थारोळ्यात पडलेला दिसला. नागरिकांनी पोलिसांना माहिती देत त्याला हॉस्पिटलमध्ये दाखल केले. डॉक्टरांनी तपासून बाबूला मृत घोषित केले. पोलिसांनी खुनाचा गुन्हा दाखल करून ध्रुव याचा शोध सुरू केला. ध्रुव हा नारा परिसरातील झुडपात मद्यधुंद अवस्थेत पोलिसांना दिसला. पोलिसांनी त्याला अटक केली.

मोठी बातमी! गृहराज्यमंत्री योगेश कदम यांच्या सहीने निलेश घायवळच्या सख्ख्या भावाला शस्त्र परवाना

बॉक्स रेल्वेतून कोळसा करायचा चोरी

बाबू हा घरफोडी व चोरीसह रेल्वेतून कोळसाही चोरी करायचा. झुंड चित्रपटासाठी दिग्दर्शक मंजुळे हे कलाकरांचा शोध घेत गड्डीगोदाम परिसरात आले. यावेळी बाबू हा रेल्वेतून कोळसा काढत होता. मंजुळे यांना तो दिसला. चित्रपटातील छत्रीच्या भूमिकेसाठी मंजुळे यांनी त्याची निवड केली. त्यानंतर तो प्रसिद्ध झाला.

Accident News : शेतीचे ऑनलाईन काम करुन परतताना अनर्थ, धोकादायक वळणावर दुचाकींची जोरदार धडक, बाप-लेकासह तिघांचा मृत्यू

बाबूला पोलिसांनी केली होती अटक

नोव्हेंबर २०२२ मध्ये मानकापूर पोलिस ठाण्याच्या हद्दी झालेल्या घरफोडीत पाच लाख व दागिने चोरी करण्यात आले. याप्रकरणी पोलिसांनी घरफोडीचा गुन्हा दाखल करून एका अल्पवयीन चोराला ताब्यात घेतले. त्याची चौकशी केली असता बाबूच्या मदतीने घरफोडी केल्याचे मुलाने सांगितले. त्यानंतर पोलिसांनी बाबूला अटक केली.