पुण्यात नोकरी, शिक्षण आणि व्यवसायाच्या निमित्ताने राहणाऱ्यांची संख्या मोठी आहे. दिवाळीसाठी हे नागरिक गावी जातात. सध्या रेल्वेचे बुकिंग फुल्ल झाले आहे. त्यामुळे नागरिकांना एसटी बसशिवाय दुसरा पर्याय नाही. त्यामुळे दिवाळीच्या काळात एसटीला कायम गर्दी असते. खासकरून मराठवाडा, उत्तर महाराष्ट्र, विदर्भातील नागरिक मोठ्या संख्येने गावी जातात. त्यासाठी एसटीकडून जादा बसची सोय केली जाते.
Pune News : पुणेकरांना बस आणि मेट्रोचं तिकीट एकाच कार्डवर काढता येणार; काय आहे ‘वन पुणे कार्ड’ची सुविधा?
यंदा दिवाळीच्या काळात नियमित बसव्यतिरिक्त जादा बस सोडण्यात येणार आहेत. जादा बसचे ऑनलाइन बुकिंग सुरू झाले आहे. नागरिक महामंडळाच्या संकेतस्थळ अथवा मोबाइल ॲपवरून तिकीट बुकिंग करू शकतात; तसेच एसटीच्या अधिकृत तिकीट बुकिंग केंद्रावर तिकीट आरक्षण सुरू झाले आहे.
Pune News : वाहतूक कोंडीवर तोडगा; पुण्यात गर्दीच्या वेळी तीन मार्गिका खुल्या, रस्त्यातील दुभाजकही काढणार, मार्ग कसे वळवणार?

मराठवाडा, विदर्भासाठी ३९६ जादा बस

प्रत्येक वर्षी खडकी कँटोन्मेंट येथून मराठवाडा, विदर्भ, खान्देश येथे जाणाऱ्या प्रवाशांसाठी जादा बस सोडण्यात येत होत्या; पण खडकीची जागा योग्य नसल्यामुळे यंदा एसटी महामंडळाकडून नवीन जागेचा शोध घेतला जात होता. वाकडेवाडी बस स्थानकासमोर ‘आरे’ची जागा देण्याची मागणी एसटीकडून करण्यात आली होती; पण ही जागा ‘पीएमआरडीए’ च्या ताब्यात असल्याने त्यांनी ही जागा देण्यास नकार दिला. त्यामुळे शेवटी एसटी महामंडळाने पिंपरी-चिंचवड आगारातून जादा बस सोडण्याचा निर्णय घेतला.
Pune News : मेट्रोच्या कामासाठी पुण्यातील चार पदरी पूल पाडणार, तिथेच तीन मजली उड्डाणपूल उभारणार; कुठून-कसे वळवणार मार्ग?
या ठिकाणाहून सोडण्यात येणाऱ्या जादा बसच्या पार्किंगसाठी जवळचे मैदान भाड्याने घेण्यात आले आहे. वेळ झाल्यानंतर ती बस पिंपरी-चिंचवड आगारातून सोडली जाणार आहे. पिंपरी-चिंचवड आगार मेट्रोसोबत जोडण्यात आले आहे. त्यामुळे प्रवाशांना येणे-जाणे सोपे होणार असल्याचे एसटी प्रशासनाकडून सांगण्यात आले.

गर्दी टाळण्यासाठी नियोजन

पश्चिम महाराष्ट्रातील प्रवाशांसाठी स्वारगेट एसटी स्थानक येथून नियमित बसबरोबरच ११३ जादा बस सोडण्यात येणार आहेत. सातारा, सांगली, कोल्हापूर, सोलापूर, कोकण या भागात जाणाऱ्या गाड्या स्वारगेट येथून सुटतील, तर शिवाजीनगर येथून ८० जादा बस सोडण्यात येणार आहेत. या वेळी दररोज धावणाऱ्या नियमित गाड्या सुरू असणार आहेत. स्थानकावर गर्दी होऊ नये म्हणून महामंडळाकडन योग्य नियोजन करण्यात आले आहे.

पुणे विभागाकडून ऑक्टोबरपासून जादा बस सोडण्यात येणार आहेत. जादा बससोबत नियमित बसदेखील सुरू असणार आहेत. दिवाळीच्या काळात तिकिटामध्ये वाढ करण्यात आलेली नाही. त्यामुळे खासगी बसने जादा तिकीट देऊन प्रवास करणे टाळावे. एसटी बसच्या प्रवासाला प्राधान्य द्यावे, अशी माहिती पुणे एसटी विभाग, वाहतूक नियंत्रक, अरुण सिया यांनी दिली आहे.

बसस्थानक आणि बस संख्या

शिवाजीनगर – ८०
स्वारगेट – १२२
पिपरी-चिंचवड – ३९६
एकूण – ५९८