विरारमध्ये एका निर्माणाधीन इमारतीच्या 12 व्या मजल्यावरून उडी मारत या दोन विद्यार्थ्यांनी आपल्या आयुष्याची अखेर केली. ही धक्कादायक घटना विरार परिसरात घडल्याची माहिती आहे. श्याम सनद घोरई (वय वर्ष 20) आणि आदित्य रामसिंग (वय वर्ष 21) अशी आपले आयुष्य संपवलेल्या दोन्ही तरुणांची नावं असल्याची माहिती आहे. याप्रकरणी अर्नाळा सागरी पोलीस ठाण्यात अकस्मात मृत्यूची नोंद करण्यात आली आहे. याप्रकरणाचा अधिक तपास विरार पोलीस करीत आहेत. या घटनेने परिसरत एकच खळबळ उडाली आहे.
Crime Diary: आठ वर्षांच्या नातवाला संपवून बॉडी लपवली, मग पोलिसांसमोर नाटक अन्… आजोबांचा हादरवणारा कारनामा
आगाशी – अर्नाळा मार्गावर विरार पश्चिमेकडे ओलांडा परिसर असून या परिसरात एका इमारतीचे बांधकाम सुरू आहे. या इमारतीच्या खाली दोन तरुणांचे मृतदेह आढळून आले आहेत. या घटनेची माहिती पोलिसांना मिळाल्यानंतर पोलीस तात्काळ घटनास्थळी दाखल झाले. घटनास्थळाचा पंचनामा करून मृतदेह ताब्यात घेत शवविच्छेदनासाठी पाठवण्यात आले आहे.
Palghar Crime: आई, मला चिकन लॉलीपॉप हवा; चिमुकल्याचा हट्ट डोक्यात गेला, लाटण्याने मारत पोटच्या लेकाला संपवलं, भयंकर घटना
सोमवारी (6 ऑक्टोबर) रात्रीच्या सुमारास ही घटना घडल्याची माहिती आहे. याप्रकरणी अर्नाळा सागरी पोलीस ठाण्यात अकस्मात मृत्यूची नोंद करण्यात आली आहे. मिळालेल्या माहितीनुसार, नालासोपारा येथील रहिवासी असलेले श्याम सनद घोरई (20) आणि आदित्य रामसिंग (21) हे दोन तरुण दुचाकीवरून ओलांडा परिसरात आले होते. या ठिकाणी बांधकाम सुरू असलेल्या एका इमारतीच्या बाराव्या मजल्यावरून उडी मारून त्यांनी आपल्य आयुष्याची अखेर केल्याचा प्राथमिक अंदाज वर्तवण्यात आला आहे.

मात्र, त्यांनी हे टोकाचं पाऊल का उचललं, याचं कारण अद्याप अस्पष्ट आहे. हे दोन तरुण ओलांडा परिसरात का आले? कशासाठी आले? असे अनेक प्रश्न अद्याप अनुत्तरीत असून याबाबत देखील ठोस माहिती मिळालेली नाही. याप्रकरणी अधिक तपास अर्नाळा पोलीस करीत आहेत.