नेमकं काय घडलं?

महिलेने शेअर केलेल्या व्हिडिओमध्ये दिसतंय, की आरोपीने ब्लिंकिट कंपनीचं जॅकेट घातलेलं दिसतंय. त्याच्या पाठीवर कंपनीची बॅगही आहे. बॅगेतून तो पार्सल काढतो आणि समोर उभ्या असलेल्या महिलेकडे देतो. त्याचवेळी महिला त्याला पार्सलचे पैसे देते. पार्सल देताना डिलिव्हरी बॉय महिलेला तिला काहीही कळायच्या आत अयोग्यरित्या स्पर्श करताना दिसतो.
Metro 3 Aqua Line : सीएसएमटी, चर्चगेट, कफ परेड… अ‍ॅक्वा लाईनच्या शेवटच्या टप्प्याचं उद्घाटन होणार, कुठे-कोणते स्टेशन्स?
काही समजायच्या आत, अगदी काही सेकंदात ही घटना घडल्याने महिलेला धक्का बसतो. ती लगेच त्या व्यक्तीपासून काही अंतर मागे सरकते आणि पुढे पैशांचा व्यवहार पूर्ण करत असल्याचं दिसतं. त्यानंतर महिलेने ही संपूर्ण घटना सीसीटीव्ही फुटेजसह ब्लिंकिटला टॅग करून सोशल मीडियावर पोस्ट केली. महत्त्वाची बाब म्हणजे महिलेने कंपनीकडे घटनेची तक्रार केल्यानंतर कंपनीने त्याकडे दुर्लक्ष केलं, मात्र महिलेने सीसीटीव्हीचा पुरावा दिल्यानंतर डिलिव्हरी एजंटवर कारवाई करण्यात आली.

तिने पोस्टमध्ये लिहिलंय, ‘ब्लिंकिटवरून ऑर्डर करताना हा प्रकार घडला. डिलिव्हरी करणाऱ्या व्यक्तीने पुन्हा माझा पत्ता विचारत नंतर मला अयोग्यरित्या स्पर्श केला. हे स्वीकारार्ह नाही. @letsblinkit कृपया कठोर कारवाई करा. भारतात महिलांची सुरक्षा हा विनोद आहे का?’, असा सवालही तिने केला आहे.
गोरेगाव ते मुलुंड लिंक रोड सुस्साट, ७५ मिनिटांचा प्रवास २५ मिनिटांपर्यंत; दिंडोशी, रत्नागिरी जंक्शन, फिल्मसिटी… कसा असेल मार्ग?
त्यानंतरच्या पोस्टमध्ये तिने लिहून कंपनीवर आरोप केला आहे, की ब्लिंकिटच्या अधिकाऱ्यांनी सुरुवातीला तिची तक्रार गांभीर्याने घेतली नाही. त्यांनी सांगितले की ते डिलिव्हरी बॉयला केवळ शेवटचा इशारा देतील, तसंच महिला ग्राहकांपासून अंतर राखण्याचं सांगतील आणि पुन्हा अशीच घटना घडल्यास त्या व्यक्तीसोबतचा करार रद्द करतील. पण महिलेने सीसीटीव्ही फुटेज शेअर केल्यानंतर, पुरावे दिल्यानंतर त्यांनी तक्रार मान्य केली आणि कारवाई केली. जर सीसीटीव्ही पुरावे नसते तर कंपनीने तक्रार घेतली नसती, असं म्हणत महिलेने कंपनीवरही रोष व्यक्त केला आहे.

महिलेने सीसीटीव्ही शेअर केल्यानंतर ब्लिंकिटने डिलिव्हरी बॉयविरोधात कारवाई केल्याची माहिती दिली आहे. मुंबई पोलिसांनीही यावर प्रतिक्रिया देत महिलेकडे तिची मदत करण्यास तिचे संपर्क तपशील मागितले आहेत.