आजीसोबत राहायला आली होती उंबर्डीत

सूत्रांकडून मिळालेल्या माहितीनुसार ही घटना माणगाव तालुक्यातील निजामपूर विभागातील जिते ग्रामपंचायत हद्दीतील उंबर्डी गावात शुक्रवारी (दि. 4 ऑक्टोबर) रोजी सायंकाळी घडली आहे. अश्विनी गेनू ढेबे (वय वर्षे 11) असे मृत बालिकेचे नाव आहे. ती उंबर्डी येथे आपल्या आजीकडे राहत होती. अश्विनी ही मूळची पुण्यातील गडले दूधवान ता. मुळशी येथे राहणारी होती.कोजागिरी पौर्णिमेनिमित्त पिंपरी-चिंचवड शहरातील वाहतुकीत बदल, ‘हे’ रस्ते राहणार बंद, पर्यायी मार्ग कोणते?

गुरे आणताना नदीपात्र ओलांडायला गेली अन्

अश्विनी आणि तिची आजी रोज सायंकाळी गुरे घेऊन उंबर्डी गावच्या हद्दीतील काळ नदीचे पात्र ओलांडून जात असत. शुक्रवारी सायंकाळी ४: ३० वाजण्याच्या सुमारास त्या दोघी नेहमीसारख्या जात असताना, काळ नदीतील पाण्याचा प्रवाह अचानक वाढला. त्यामुळे अचानक आश्विनीचा तोल गेला आणि ती नदी पात्रात पडली . यानंतर काही क्षणात ती पाण्याच्या प्रवाहात वाहून गेली.

उपचारादर्म्यान मुलीने घेतला अखेरचा श्वास

घटनेची माहिती मिळताच ग्रामस्थांनी तत्काळ शोधकार्य सुरू केले. काही वेळानंतर ती मुलगी बेशुद्ध अवस्थेत त्यांना सापडली. पाण्यातून बाहेर काढून मुलीला तातडीने माणगाव उपजिल्हा रुग्णालयात दाखल करण्यात आले. मात्र, मध्यरात्री 1.40 वाजता डॉक्टरांनी तिचा उपचारादरम्यान मृत्यू झाल्याचे सांगितले.

घटनेची माहिती मिळताच उपविभागीय पोलिस अधिकारी पुष्कराज सूर्यवंशी यांनी घटनास्थळी भेट देऊन पाहणी केली. या प्रकरणी माणगाव पोलिस ठाणे येथे 48/ 2025 भा. ना. सु. सं. 2023 चे कलम 194 च्या प्रमाणे नोंद करण्यात आली असून पुढील तपास माणगाव पोलीस निरीक्षक निवृत्ती बोऱ्हाडे यांच्या मार्गदर्शनाखाली पो. स. इ. जाधव करत आहेत.