दारूसाठी शंभर रुपये घेतलेले पण..

आरोपी आणि मयत हे पती पत्नी होते. मयत पत्नी लक्ष्मी चौगुले हिने गॅस टाकीकरिता म्हणुन घरातील कपाटामध्ये एक हजार रुपये ठेवले होते. आरोपी मनोज चौगुले यांनी शंभर रुपये दारु पिण्यासाठी काढून घेतले. गॅससाठी ठेवलेल्या पैशांतून शंभर रुपये कोण घेतले त्याबाबत लक्ष्मी चौगुले याने पती मनोजला विचारणा केली असता, आरोपीने रागाच्या भरात पत्नीस लोखंडी पाईपने डोकीत मारुन जीवे ठार मारण्याचा प्रयत्न केला होता. लक्ष्मी चौगुलेला जखमी अवस्थेत रुग्णालयात दाखल केले होते, मात्र उपचार सुरु असताना ८ सप्टेंबर २०२२ रोजी लक्ष्मीचा मृत्यू झाला. लक्ष्मी चौगुलेचा भाऊ नरसप्पा अर्जुन इटकर याने दिलेल्या फिर्यादी वरुन वळसंग पोलीस ठाण्यात खुनाचा गुन्हा दाखल करण्यात आला.
Solapur Crime : मोठी बातमी! एकनाथ शिंदेंचे निकटवर्तीय मंगेश चिवटेंच्या भावावर हल्ला, अजितदादांच्या नेत्यावर आरोप, Video समोर

पोलिसांनी अधिक तपास करून दोषारोपपत्र दाखल

सदर खुनाचा तपास पीएसआय उस्मान शेख (वळसंग पोलीस ठाणे) यांनी केला होता. गुन्हयाचा सर्वोतोपरी तपास करुन आरोपी मनोज चौगुले विरुध्द न्यायालयात दोषारोप पत्र पाठविले होते. कोर्टात परिस्थितीजन्य पुरावे साक्षीदार यांची साक्ष महत्वाची ठरली. दोन्ही बाजूंच्या वकिलांचा युक्तिवाद ग्राह्य धरून सोलापूर कोर्टाने मनोज चौगुले यास जन्मठेपेची शिक्षा ठोठावली आहे.सदरची केस सरकारतर्फे अॅड आनंद कुर्डकर यांनी चालविली आहे.