नेमकी घटना काय?

रवींद्र शिंदे याने बीडमध्ये असताना एका विवाहितेला प्रेमाच्या जाळ्यात ओढलं. त्यानंतर या पोलीस अधिकाऱ्याची धाराशिवला बदली झाली. तिथे जाऊन देखील पिस्तूलचा धाक दाखवून त्याने या महिलेवर अत्याचार केला. त्यानंतर याच पोलीस अधिकाऱ्यावर गुन्हा दखल करण्यात आला. मात्र, गेल्या काही दिवसांपासून त्याच पीडित महिलेवर पुन्हा शिंदेचा जीव जडला.
Ahilyanagar Crime : लग्नाचं आमिष देऊन वारंवार शारीरिक संबंध, नंतर मानसिक छळ; लग्नाला नकार देताच क्रीडा क्षेत्रातल्या तरुणीचं टोकाचं पाऊल

दरम्यान, ती पीडित महिला आणि तो पोलिस अधिकारी शिंदे हे बीडमध्ये एकदा भेटले. दोघेजण कारमधून फिरताना त्या पीडित महिलेच्या पतीने त्या दोघांना रंगेहाथ पकडलं. त्यानंतर भर रस्त्यावर प्रियकर असलेल्या साहाय्यक पोलीस निरीक्षक रवींद्र शिंदे याला कपडे फाटेपर्यंत पीडित महिलेच्या पतीनं बदडलं. यावेळी या घटनेचा व्हिडिओ सध्या समाज माध्यमावर व्हायरल होत आहे. ‘अजब प्रेमाच्या या गजब कहाणी’ची जोरदार चर्चा सुरू आहे. हा प्रकार काल दुपारी बीड शहरातील बसस्थानकासमोर घडला असल्याचं सांगण्यात येत आहे.

पीडिता आणि पोलीस अधिकारी रवींद्र शिंदे हे कारमधून बीड शहरातील भाग्य नगर भागात होते. पीडितेच्या पतीने त्यांना पाहताच त्यांचा पाठलाग केला. तुळजाई चौक, नगर नाका, बसस्थानकमार्गे बाहेर जाण्यापूर्वीच पतीने त्याच्या कारसमोर दुचाकी आडवी लावून शिंदेला खाली खेचलं. त्याला कपडे फाटेपर्यंत बदडलं. पीडिताही तोंड बांधून तेव्हा कारमध्येच बसलेली होती. तसेच शिंदेच्याही तोंडाला फटका होता. त्यानंतर पीडितेच्या पतीने शिवाजीनगर पोलीस ठाणे गाठत शिंदेविरोधात तक्रार दिली.

Nagpur Crime : शेतात काम करण्यासाठी निघाले, सायंकाळी पुन्हा परतलेच नाही, कुटुंबाने शोध घेतला तर…; धक्कादायक दृश्य समोर

पोलीस अधिकारी शिंदे हा पोलिसांसमोरून पळाला असल्याचं पीडितेच्या पतीनं सांगितलं. तर पोलीस अधिकारी शिंदे हा अत्याचाराच्या गुन्ह्यात फरार आहे, असं असतानाही तो बीडमध्ये येऊन पीडितेला घेवून फिरत होता. काल दुपारी पोलिसांनी हा वाद मिटवला असल्याचंही समोर येत असून त्या पीडितेसह पतीला पकडलं. परंतु आरोपी असलेल्या शिंदेला अभय दिलं आणि त्यामुळे त्याने तिथून धूम ठोकली. शिंदे हा आरोपी आहे, हे माहीतच नाही, असा खुलासा यावेळी बीड येथील शिवाजीनगर पोलिसांनी केला.

पीडिता तीन दिवसांपासून गायब

पीडित महिला ही मागच्या तीन दिवसांपासून घरी आली नव्हती. त्यामुळे पीडितेच्या पतीला संशय आला आणि काल दुपारी तो खरा ठरला. त्याने पीडिता आणि पोलीस अधिकारी शिंदे यांना कारमध्ये रंगेहाथ पकडलं. त्यानंतर दोघेही शिवाजीनगर पोलीस ठाण्यात गेले. पीडितेने शिंदेविरोधात तक्रार देण्याऐवजी पतीवरच आरोप केले. परंतु पोलिसांना सर्व माहिती असल्यानं त्यांनी तिला शांत केलं. त्यानंतर तिच्या पतीच्या तक्रारीवरून गुन्हेगारी शिंदेविरोधात गुन्हा दाखल केला.

Shakti Cyclone in Arabian Sea : ‘शक्ती’ चक्रीवादळाचा धोका; पालघरसह ‘या’ शहरांना सतर्कतेचा इशारा, मच्छीमारांना समुद्रात न जाण्याचं आवाहन

पिस्तुलचा धाक दाखवून अत्याचार

पीडित पतीने दिलेल्या फिर्यादीनुसार रवींद्र शिंदे हे पोलीस उपनिरीक्षक म्हणून 2013 साली बीड पोलीस दलात भरती झाले. पीडिता आणि शिंदे हे शेजारीच राहत असल्यानं त्यांची ओळख झाली. नंतर तिला प्रेमाच्या जाळ्यात ओढून तिच्यावर अत्याचार केला. बीड येथून शिंदे यांची बदली धाराशिवला झाली. परंतु त्याने त्या पीडित महिलेला त्रास देणं सोडलं नाही. पिस्तुलचा धाक दाखवून त्याने जून आणि जुलै 2025 मध्ये पीडितेवर घरात घुसून अत्याचार केला. तसेच तिला मारहाणही केली. यात पीडिता गर्भवतीही राहिल्याची माहिती समोर येत आहे. याप्रकरणी जुलै महिन्याच्या अखेरीस शिवाजीनगर पोलीस ठाण्यात शिंदेविरोधात अत्याचारासह इतर कलमांन्वये गुन्हा दाखल झाला होता. तेव्हापासून तो फरारच असल्याचं पीडित महिलेच्या पतीच्यावतीनं सांगण्यात आलं आहे.