पोलीस उपायुक्त संभाजी कदम काय म्हणाले?

30 सप्टेंबरला पहाटे सव्वापाच ते साडे पाचच्या दरम्यान वडगाव ब्रिजच्या खाली हा अपघात झाला होता. त्यातील जखमी रिक्षाचालक विठ्ठल मरगळे आहेत. त्यांना दीनानाथ मंगेशकर रुग्णालयात उपचारासाठी दाखल करण्यात आलं आहे. त्यांच्यावर त्याठिकाणी उपचार सुरू आहेत. पोलीस तपासामध्ये अशी माहिती समोर आली आहे की, आरोपी भोर होऊन पुण्याच्या दिशेने येत असताना हा अपघात झाला आहे. CCTV, प्रत्यक्षदर्शी साक्षीदार आणि इतर पुराव्याने आरोपी निष्पन्न झाले आहेत.
बीडमध्ये ‘अजब प्रेमाची, गजब कहाणी’; आधी अत्याचाराचे आरोप, नंतर त्याच API सोबत कारमध्ये गुलूगुलू; नवऱ्यानं रंगेहाथ पकडलं अन्…

जखमीचेजे साथीदार आहेत त्यांनी ऑडिओ व्हिजवल तक्रार दाखल केली आहे. त्यांनी सांगितलेल्या घटनाक्रमानुसार आम्ही गुन्हा दाखल केला आहे. या गुन्ह्यामधील आरोपीला पोलिसांनी ताब्यात घेतलं आहे, आणि त्याची वैद्यकीय तपासणी देखील केली आहे. गाडी जप्त केलेली आहे. तपासामध्ये ही गाडी गौतमी पाटील यांच्या नावावर असल्याचं निष्पन्न झालं आहे. या संदर्भातील पुढील तपास सुरू आहे. जखमीचे नातेवाईक हे पोलीस स्टेशनला आले होते. काही वरिष्ठ अधिकाऱ्यांना देखील ते भेटले. त्यांना या केस संदर्भात संपूर्ण माहिती दिलेली आहे. त्यांच्या सर्व तक्रारीचे समाधान पोलीस करण्याचा प्रयत्न करत आहेत. अतिशय पारदर्शक पद्धतीने हा तपास सुरू आहे.

ज्यावेळेस आरोपी हा कार घेऊन भोर येथून निघाला होता. त्यावेळेस त्याच्यासोबत त्याचा एक मित्र होता. मात्र, पेट्रोल पंपावर तो उतरला त्यानंतर आणखी दोन मित्र गाडीमध्ये बसले ते देखील अपघात होण्यापूर्वीच गाडी मधून उतरलेले होते. त्यामुळे अपघात होण्याच्या वेळेस आरोपी हा एकटाच गाडीमध्ये होता हे प्रत्यक्षदर्शी आणि सीसीटीव्ही फुटेजच्या तपासामधून निष्पन्न झालं आहे. गौतमी पाटील यांना नोटीस पाठवलेली नाही. पण या अपघातासंदर्भात ज्या ज्या महत्त्वाच्या गोष्टी आहेत ते ते पोलीस करतील.

Nagpur Crime : शेतात काम करण्यासाठी निघाले, सायंकाळी पुन्हा परतलेच नाही, कुटुंबाने शोध घेतला तर…; धक्कादायक दृश्य समोर

गौतमी पाटील हिच्या गाडीने झालेल्या अपघात प्रकरणात रिक्षा चालकांच्या कुटुंबीयांनी केलेले आरोप पुणे पोलिसांनी फेटाळले आहेत. अपघातावेळी गौतमी पाटील या गाडीत होती की नाही याचा तपास सुरू आहे, पण चालकावर कारवाई केली आहे, अशी माहिती पुणे पोलिसांनी दिली. कायद्यानुसार अपघातात चालकासोबत असलेल्या व्यक्तीवर कारवाई केली जात नसल्याचं पोलिसांचं म्हणणं आहे. त्यामुळे, गौतमी पाटीलवर कोणतीही कारवाई करता येणार नाही. गौतमी पाटील हिने गाडीचे संपूर्ण कागदपत्रं पोलिसांकडे सादर केले आहेत. तसेच, गरज भासल्यास गौतमी पाटीलला चौकशीसाठी बोलवलं जाईल. मात्र, गौतमीला सध्या तरी चौकशीसाठी बोलवण्यात आलेलं नाही. गौतमी पाटील गाडीत होती की नाही याबाबतचं कोणतंही स्पष्टीकरण अजून समोर आलेलं नाही. संपूर्ण प्रकरणाचा तपास पारदर्शकपणे सुरू असल्याचं पुणे पोलीस उपायुक्त संभाजी कदम यांनी स्पष्ट केलं आहे.