मागील काही महिन्यांपासून रुग्णालयामध्ये वेळेवर स्वच्छता होत नसल्याने उंदरांचा सुळसुळाट वाढला होता. पाच सप्टेंबर रोजी महिला रुग्णकक्षामध्ये उंदरांनी दोन रुग्णांना चावा घेतल्याच्या घटना उघडकीस आल्या. त्यानंतर गदारोळ झाला. महापालिका रुग्णालयामध्ये कोणत्याही परिस्थितीमध्ये स्वच्छता राहावी यासाठी नायर रुग्णालयाचे अधिष्ठाता डॉ. शैलेश मोहिते यांच्या मार्गदर्शनाखाली समिती स्थापन करण्यात आली. या समितीने रुग्णालयामध्ये स्वच्छता राहावी यासाठी मार्गदर्शक नियमावली तयार केली.
मुंबईकरांसाठी महत्त्वाचे! रविवारी मध्य, हार्बर रेल्वेवर ब्लॉक, कोणत्या लोकल रद्द? Timetable बघूनच घराबाहेर पडा
रुग्णालयामध्ये स्वच्छतेच्या संदर्भात ज्या त्रुटी होत्या त्या दूर करण्यासाठीही विशेष सूचना दिल्या. तसेच, साफसफाई करणाऱ्या कंत्राटदाराकडून रुग्णालयाची स्वच्छता करण्यात कोणत्या त्रुटी राहतात याचीही माहिती यावेळी देण्यात आली. प्रतिबंधात्मक उपाययोजना राबवण्यात आल्या असून उंदरांची संख्या कमी झाल्याचा दावा यावेळी करण्यात आला.
Cyclone Shakhti : समुद्रात घोंघावतंय शक्ती चक्रीवादळ, पुढील 3 दिवस महत्त्वाचे; कोकण, मराठवाडा, विदर्भात मुसळधार पावसाचा अंदाज
मात्र मागील दोन महिन्यामध्ये सहा उंदरांनी चावा घेतल्याची माहिती पोलिसांकडून माहितीच्या अधिकारामध्ये उपलब्ध झाली आहे. उंदरांनी चावा घेतल्याप्रकरणी जुहू पोलिस ठाण्यामध्ये आपत्कालीन पोलिस अहवालामध्ये ( इपीआर) मध्ये ही नोंद कऱण्यात आली आहे. हा प्रकार सप्टेंबरमध्ये घडला असावा असा अंदाज वर्तवण्यात येत आहे. पाच सप्टेंबर रोजी उंदीर चावल्याची घटना घडल्यानंतर रुग्णालयाच्या अधिष्ठाता डॉ. नीलम अंद्राडे यांनी केवळ दोनच रुग्णांना उंदरांनी चावा घेतल्याचे सांगितले होते. मात्र माहिती अधिकार कार्यकर्ते चेतन कोठारी यांनी मागवलेल्या माहिती अधिकारात मिळालेल्या माहितीवरून उंदरांनी चावा घेतल्याच्या घटना लपवण्याचा प्रयत्न केला जात असल्याचे दिसून आले आहे.
भाईंकडून मानाचं स्थान, तोच नेता भाजपकडून ट्रॅप? देवाभाऊंची ‘कॅबिनेट’ खेळी, संघर्षात कोणाचा बळी?
उंदीर चावण्याच्या इतक्या घटना घडल्यानंतर संबंधित कंत्राटदाराला काळ्या यादीमध्ये टाकण्याऐवजी त्याला कारणे दाखवा नोटीस व अत्यंत कमी माफक दंडात्मक कारवाई करण्यात आली. तसेच याच कंत्राटदाराला डिसेंबरपर्यंत मुदतवाढही देण्यात आली आहे.

तक्रार मागे घेण्यासाठी दबाव ?
ज्या रुग्णांना उंदरांनी चावा घेतला होता त्या रुग्णांच्या कुटुंबीयांवर रुग्णालयातून घरी जाताना तक्रार मागे घेण्यासाठी दबाव आणण्यात आल्याची माहिती काही रुग्णांच्या कुटुंबीयांना दिली आहे. या जखमा खोल असल्यामुळे काही रुग्णांमध्ये त्या अजूनही भरून आलेल्या नाहीत. या रुग्णांवरील वैद्यकीय उपचार सुरू ठेवावे लागणार आहेत. त्यामुळे त्यांना उघडपणे तक्रार करता येत नसल्याची खंत त्यांनी व्यक्त केली.