रामराव डोके हे शेतीसोबतच मेंढपाळाचा व्यवसाय करायचे. त्यांच्यावर खासगी कर्ज देखील होतं. शिवाय ते धनगर आरक्षणाच्या लढ्यात सक्रिय देखील होते. जालना येथे पार पडलेल्या समाजाच्या आंदोलनात सहभागी झाले होते. आज सकाळी रामराव डोके यांनी शेतातील विहिरीत उडी घेऊन आत्महत्या केली. आत्महत्येपूर्वी डोके यांनी दगडाखाली चिठ्ठी लिहून ठेवली होती. दरम्यान, घटनास्थळी पोलीस निरीक्षक चंद्रशेखर कदम, पप्पू चव्हाण, कीर्तीकुमार रणवीर, गोविंद मुधळ, अरविंद मुधळ, भागवत वळसे यांनी घटनास्थळावर जाऊन पंचनामा केला. शवविच्छेदनासाठी मयताचे पार्थिव मालेगाव येथील शासकीय रुग्णालयात पाठवलं. रामराव डोके यांना एक मुलगा आणि एक मुलगी आहे. मुलगी ही 10वी वर्गात शिक्षण घेत आहे. तर मुलगा 8वी वर्गात शिकत आहे. या घटनेनं मुलांच्या डोक्यावरील छत्र हरवलं आहे.

Sindhudurg Tourists Drowned : सैर करणं पडलं महागात, सिंधुदुर्ग-शिरोडा वेळागर समुद्रात 8 पर्यटक बुडाले; किनाऱ्यावर कुटुंबाचा आक्रोश

निवृत्तींनी आयुष्य संपवलं; धक्क्यात बापानेही प्राण सोडले

जिल्ह्यात गेल्या आठवडाभरापासून ढगफुटीसदृश्य अतिवृष्टी पाऊस सुरू असून या अतिवृष्टीमुळे शेतातील उभ्या पिकांचा अक्षरशः चिखल झाला आहे. हे नुकसान सहन न झाल्याने एका शेतकऱ्याने सोमवारी रात्री शेतातील एका झाडाला गळफास घेऊन आत्महत्या केली होती. दरम्यान आत्महत्या केलेल्या शेतकऱ्याच्या वृद्ध पित्याच्या कानी ही घटना पडताच अवघ्या १२ तासांतच त्यांनी आपले प्राण सोडले आहेत. जिल्ह्यातील अर्धापूर तालुक्यातील कोंढा गावात ही घटना घडली आहे. निवृती कदम आणि सखाराम कदम असे पितापुत्राचे नाव आहे. या घटनेने हळहळ व्यक्त होत आहे.