सबा समीर शेख (वय 21, राहणार आय ब्लॉक पोलीस आयुक्तालय इमारत) असं आयुष्य संपवलेल्या महिलेचे नाव आहे. या प्रकरणी नातेवाईकांनी दिलेल्या माहितीनुसार, मयत सबा यांचा अडीच वर्षांपूर्वी अंमलदार समीर शेख याच्याशी विवाह झाला होता. समीर हा शहर पोलीस दलात कार्यरत असून सध्या जीन्सी पोलीस ठाण्यात विशेष शाखेत कार्यरत आहे.
मी चपात्या टाकतेय, ते मॅगी करत आहेत; आईला सांगितलं अन् थोड्याच वेळात लेकीचा मृत्यू, नेमकं काय घडलं?
नातेवाईकांच्या आरोपानुसार, लग्नानंतर समीरने सबा यांना चांगली वागणूक दिली. पण, काही दिवसानंतर त्याने सबा यांचा छळ करायला सुरुवात केली. या त्रासाला कंटाळून पीडिता माहेरी गेली होती. मात्र, दोन्ही कुटुंबामध्ये मध्यस्थी झाल्यानंतर सबाला पुन्हा सासरी नांदायला पाठवण्यात आले. त्यानंतर समीर हा तिच्यावर वेगवेगळी बंधन घालत होता. या त्रासाला सबा कंटाळली होती.

दरम्यान, गुरुवारी (2 ऑक्टोबर) सकाळी 11 वाजेच्या सुमारास सबाने इमारतीच्या तिसऱ्या मजल्यावरून उडी घेत आपल्या आयुष्याची दोर नेहमीसाठी कापली. तिसऱ्या मजल्यावरुन उडी घेतल्याने सबा गंभीर जखमी झाल्या होत्या. हा प्रकार सबाच्या दिराच्या लक्षात आला. त्यांनी तात्काळ चिस्त्या चौकातील एका रुग्णालयात त्यांना दाखल केले. तिथे त्यांच्यावर उपचार सुरु करण्यात आले. मात्र, दरम्यान तीन वाजेच्या सुमारास डॉक्टरांनी सबाला मृत घोषित केले. त्यानंतर सबाचा मृतदेह उत्तरनीय तपासणीसाठी घाटी रुग्णालयात दाखल करण्यात आला होता.
दसऱ्याच्या निमित्ताने ट्रॅक्टर धुवायला गेले, नियतीनं घात केला, चौघांचा बुडून मृत्यू; घटनेनं छत्रपती संभाजीनगर हळहळलं
घडलेल्या या घटनेनंतर सबाचे नातेवाईक छत्रपती संभाजीनगरमध्ये दाखल झाले. सबाचा मृत्यू झाल्याची माहिती कळताच नातेवाईकांनी संताप व्यक्त केला. याप्रकरणी नातेवाईकांनी तात्काळ बेगमपुरा पोलीस ठाणे गाठीत पती आणि सासरच्या मंडळीविरुद्ध गुन्हा दाखल करा, अशी मागणी केली आहे. या प्रकरणाची पुढील कारवाई पोलीस करीत आहेत.