दसऱ्याच्या दिवशी पुण्यातील कोथरूड परिसरात असणाऱ्या जय भवानी नगर येथे मुलाने जन्मदात्या बापाचा चाकूचे वार खून केला आहे. खून झालेल्या पित्याचे नाव तानाजी पायगुडे असे आहे. या प्रकरणी आरोपी मुलगा सचिन तानाजी पायगुडे ( वय 35 ) याला कोथरूड पोलिसांनी अटक केली आहे. तानाजी पायगुडे यांची पत्नी सुमन तानाजी पायगुडे यांनी फिर्याद दिल्यानंतर कोथरूड पोलिसांनी आरोपी मुलगा सचिन याला अटक केली आहे.
Satara News : सैन्यात भरतीचं स्वप्न अधुरं, मित्रांसोबत चालताना शेताच्या कुंपणातून विजेचा झटका, 18 वर्षीय तरुणाचा तडफडून मृत्यू
पोलिसांनी दिलेल्या माहितीनुसार, पायगुडे कुटुंब हे जय भवानी नगर येथे चाळ क्रमांक 2 येथे राहते. दसऱ्याच्या दिवशी साधारण दुपारी 12 वाजण्याच्या सुमारास आरोपी मुलगा सचिन हा आपल्या घरात माळ्यावर टीव्ही पाहत बसला होता. याच वेळी मयत पिता तानाजी याने सचिनला आवाज दिला. ‘तो टीव्ही बंद कर आणि माझ्या डोळ्यात ड्रॉप टाक’ असं तानाजी यांनी सचिनला सांगितलं. या किरकोळ कारणावरून बाप आणि मुलगा यांच्यात कडाक्याचे भांडण झाले.

या भांडणात आरोपी सचिन याच्या रागाचा पारा इतका चढला की त्याने रागाच्या भरात स्वयंपाक घरातील चाकू घेऊन थेट आपल्या जन्मदात्या पित्यावर हल्ला चढवला. सचिनने आपल्या बापाच्या तोंडावर आणि गळ्यावर चाकूचे सपासप वार केले. या हल्ल्यात तानाजी पायगुडे हे गंभीर जखमी झाले. त्यानंतर त्यांचा जागेवरच मृत्यू झाला. या घटनेची माहिती मिळताच कोथरूड पोलीस हे घटनास्थळी दाखल झाले आणि आरोपी सचिन पायगुडे याला अटक केली. त्याच्यावर खुनाचा गुन्हा दाखल करण्यात आला आहे.
Solapur Crime : बायकोचं लफडं असल्याचा संशय, विवाहित लेक भांडणं सोडवून झोपली, रात्रभरात बापाने ‘होत्याचं नव्हतं’ केलं!
एकीकडे साडेतीन मुहूर्तापैकी एक असलेल्या दसरा सणाच्या दिवशी घरात आनंदाचे वातावरण असताना जय भवानी नगर मध्ये मुलाने आपल्याच जन्मदात्या बापाचा खून केल्याने परिसरात एकच खळबळ उडाली आहे. याप्रकरणी कोथरूड पोलीस अधिक तपास करत आहेत.