स्पीड पोस्ट सेवेने ग्राहकांच्या मागणीनुसार बदल केले असून यामध्ये आता ओटीपी आधारित वितरण, ऑनलाइन पैसे भरण्याची सुविधा, एसएमएसवरून वितरणाची माहिती, सोयीस्कर ऑनलाइन बुकिंग, वितरणाची प्रत्यक्ष वेळेची माहिती, नोंदणी सुविधा याचा समावेश करण्यात येणार आहे. यासाठी या सेवेसाठीच्या दरांमध्येही आता बदल करण्यात आले आहेत. याआधी सन २०१२मध्ये स्पीड पोस्टच्या दरात वाढ करण्यात आली होती.
500 रुपये दे, मग रुमवर जाऊन… मुंबईत व्यापाऱ्याला भुलवलं, 35 वर्षीय महिलेने..
नव्या दर प्रणालीनुसार ५० ग्रॅमसाठी स्थानिक परिघात १९ रुपये, ५० ग्रॅमसाठी दोनशे किलोमीटरपर्यंत आणि त्यापुढच्या अंतरासाठीही ४७ रुपये दर लागू होईल. ५१ ते २५० ग्रॅम टपालासाठी स्थानिक परिघात २४ रुपये, त्यानंतर दोनशे किलोमीटरसाठी ५९ रुपये, २०१ ते ५०० किलोमीटरसाठी ६३ रुपये, ५०१ ते एक हजार किलोमीटरसाठी ६८ रुपये, १००१ ते दोन हजार किलोमीटरसाठी ७२ रुपये आणि दोन हजार किलोमीटरहून अधिक अंतरासाठी ७७ रुपये लागू होणार आहेत.
दसरा मेळाव्यासाठी मुंबई पोलीस सज्ज; २० हजारांपेक्षा अधिक फौजफाटा सज्ज, असे आहे नियोजन
२५१ ग्रॅम ते ५०० ग्रॅमसाठी स्थानिक परिसरात २८ रुपये तर त्यापुढे दोनशे किलोमीटरपर्यंत ७० रुपये, २०१ ते पाचशे किलोमीटर अंतरात ७५ रुपये, ५०१ ते एक हजार किलोमीटर अंतरात ८२ रुपये, १००१ ते दोन हजार किलोमीटर परिसरात ८६ रुपये आणि दोन हजार किलोमीटरहून अधिकच्या अंतरासाठी ९३ रुपये दर लागू होईल. या दरावर जीएसटी अतिरिक्त लागू होणार असल्याचे टपाल विभागाने कळवले आहे. कागदपत्रे, पार्सल यासाठी नोंदणीसाठी तसेच ओटीपी वितरणासाठी मूल्यवर्धित सेवाशुल्क लागू होणार आहे.
Dasara 2025: उच्चांकी, तरी ‘लकाकी’! दर वाढलेले असूनही दसऱ्याच्या मुहूर्तावर सोनेखरेदीची ‘लगीन’घाई
विद्यार्थ्यांना सवलत
विद्यार्थ्यांसाठी स्पीड पोस्ट सेवांची उपलब्धता वाढविण्यासाठी,दरांवर १० टक्के सवलत देण्यात आली आहे. याशिवाय, नवीन मोठ्या ग्राहकांसाठी विशेष पाच टक्के सवलत उपलब्ध करून देण्यात आली आहे.