योजनेनुसार, अनामत रकमेसह प्राप्त पात्र अर्जांची सोडत शनिवार, ११ ऑक्टोबरला ठाणे येथील डॉ. काशीनाथ घाणेकर नाट्यगृह येथे काढण्यात येणार असल्याची माहिती मंडळाच्या मुख्य अधिकारी रेवती गायकर यांनी दिली. या सोडतीसाठी एकूण एक लाख ८४ हजार ९९४ अर्ज प्राप्त झाले असून, अनामत रकमेसह एक लाख ५८ हजार ४२४ अर्ज नोंदवले गेले आहेत. स्वीकृत अर्जांची प्रारूप यादी बुधवारी, १ ऑक्टोबरला संध्याकाळी म्हाडाचे संकेतस्थळ https://housing.mhada.gov.in येथे प्रसिद्ध झाली आहे.
वर्षापूर्वी पतीचे निधन, अंबरनाथमधील महिलेशी जवळीक, लग्नाच्या आमिषाने डॉक्टरकडून अत्याचार
शुक्रवार, ३ ऑक्टोबर रोजी संध्याकाळी ६ वाजेपर्यंत अर्जदार ऑनलाईन यादी तपासून दावे व हरकती नोंदवू शकतील. शनिवारी, ११ ऑक्टोबर रोजी सोडतीमध्ये यशस्वी ठरलेल्या अर्जदारांची तसेच प्रतीक्षा यादीवरील अर्जदारांची नावे म्हाडाच्या संकेतस्थळावर प्रसिद्ध केली जाणार आहेत.

तसेच, म्हाडाच्या छत्रपती संभाजीनगर मंडळातर्फे विविध गृहनिर्माण योजनेतंर्गत १ हजार १४८ निवासी सदनिका व भूखंड, गाळ्यांची विक्रीसाठी जिल्हाधिकारी दिलीप स्वामी यांच्या प्रमुख उपस्थितीत ऑनलाइन संगणकीय सोडत काढण्यात आली. या सोडतीत घर मिळाल्याने नागरिकांनी आपला आनंद व्यक्त केला.
Thane Crime : ‘मी इकडचा भाई’; दांडिया सुरू असताना शिंदेंच्या शाखाप्रमुखावर बंदूक ताणली, अन्… ठाण्यात मोठा राडा
जिल्हाधिकारी कार्यालयात बुधवारी ही सोडत काढण्यात आली. याप्रसंगी जिल्हाधिकारी स्वामी यांच्यासह निवृत्त न्यायाधीश एस.जी. शेटे, अपर आयुक्त डॉ.अनंत गव्हाणे, म्हाडाचे मुख्य कार्यकारी अधिकारी दत्तात्रय नवले. उपमुख्य अधिकारी जयकुमार नामेवार उपस्थित होते. याप्रसंगी जिल्हाधिकारी स्वामी म्हणाले की, म्हाडाच्या या सोडतीत १४४२सदनिकांसाठी ७८८१ अर्ज प्राप्त झाले. सदनिकांसाठी नागरिकांनी मोठ्या प्रमाणात अर्ज करुन म्हाडावर विश्वास दाखविला आहे. म्हाडाच्या माध्यमातून सर्वसामान्यांचे घराचे स्वप्न निश्चितपणे पूर्ण होत असल्याचेही त्यांनी नमूद केले.
सर्वात मोठी बातमी! ठाणे महापालिका मुख्यालयात ACB चा छापा, मोठी खळबळ
तर म्हाडाचे नवले म्हणाले की, घरांसाठी सर्वसामान्य नागरिकांचा चांगला प्रतिसाद मिळाला. सर्वसामान्य कुटुंबांना घरे मिळावित हाच विभागाचा हेतू आहे. म्हाडाने घरासोबतच पर्यावरण संवर्धनाचे काम हाती घेतले आहे. राज्यात ३ लाख वृक्ष लागवड करण्यात येत असून, यातील ७० हजार वृक्ष लागवड मराठवाडा विभागात करण्यात येणार आहे. दरम्यान, योगेश नरहरी वैद्य व मंगेश देशमुख यांनी सोडतीमध्ये घर मिळालाचा आनंदा आपल्या मनोगतातून व्यक्त केला. खूप दिवसांपासून घर घेण्याचे स्वप्न होते, असे पूर्ण झाल्याची भावना त्यांनी व्यक्त केली. सोडतीचा निकाल म्हाडाच्या संकेतस्थळावर तसेच कार्यालयाच्या सूचनाफलकावरही उपलब्ध आहे. नागरिकांनी संकेतस्थळाला किंवा कार्यालयाला भेट द्यावे, असे आवाहन म्हाडाच्या वतीने करण्यात येत आहे.