लोकेश बिरुच्या मृत्यूची वार्ता ऐकल्यानंतर नातेवाईकांची मोठी गर्दी शासकीय रुग्णालयात झाली होती. रेडिमेड कापड कारखान्याच्या मालकाने टोकाचे पाऊल का उचलले याबाबत एमआयडीसी पोलीस तपास करत आहेत. साखरपुडा झालेल्या तरुण व्यवसायिकाने लग्नाआधी आयुष्य संपवल्याने मित्र मंडळी आणि नातेवाईक हळहळ व्यक्त करत होते.

रेडिमेड कापड कारखाना घरापासून हाकेच्या अंतरावर

लोकेश बिरु यांचा कापड कारखाना घरापासून अगदी हाकेच्या अंतरावर आहे. राहत्या घरापासून काही मीटर अंतरावर असलेल्या स्वतःच्या कापड कारखान्यात पंख्याला दोरीच्या सहाय्याने गळफास घेतला. ही घटना कळल्यानंतर त्यांना लगेच खाली उतरवून छत्रपती शिवाजी महाराज शासकीय रुग्णालयात दाखल करण्यात आले. डॉक्टरांनी लोकेश बिरु यांस मृत घोषित केले. ही घटना कळाल्यानंतर त्यांच्या नातेवाईकांची मोठी गर्दी पाहायला मिळाली.
Pune News : जिल्हाधिकारी-पोलीस अधीक्षकांना 15 लाखांपर्यंत गाडी, दिवाळीपूर्वी नव्या कार दिमतीला, अट फक्त…

लोकेशच्या एक्झिटमुळे हळहळ

लोकेश अनिल बिरु यांनी आत्महत्या का केली, यामागील नेमके कारण अद्याप स्पष्ट झालेले नाही. सोलापूर पोलिस या प्रकरणाचा सखोल तपास करत आहेत. लोकेश यांच्या पश्चात आई, वडील आणि एक भाऊ असा परिवार आहे, या घटनेमुळे परिसरात हळहळ व्यक्त होत आहे.
Mumbai Crime : दादर स्विमिंग पूलमध्ये दोन अल्पवयीन मुलींचं लैंगिक शोषण, आरोपीकडे बोट दाखवत बारा-तेरा वर्षांच्या मुलींनी…

सकाळी कामगार आले होते

घटनेची माहिती कळताच मित्रमंडळींनी एकच गर्दी हॉस्पिटल परिसरात केली होती. यावेळी आई आणि त्यांचा जुळा भाऊ रडताना पाहून अनेकांना आपले अश्रू आवरता आले नाही. त्यांच्या कारखान्यात एक कामगार सकाळी कामासाठी आला. त्याला काम देऊन आतील बाजूस जाऊन त्याने गळफास घेतला. त्यानंतर त्यांना शासकीय रुग्णालयात दाखल केले.