‘हुंडाबळी हा समाजाला मोठा कलंक आहे. नऊ महिन्यांच्या बाळाची आई दबावाशिवाय असा टोकाचा निर्णय घेऊ शकत नाही. आरोपींवर कट कारस्थान रचणे, आत्महत्येला प्रवृत्त करणे, पुरावे नष्ट करणे आणि आरोपींना लपवण्याचे गंभीर आरोप आहेत. त्यामुळे आरोपींना जामीनावर सोडल्यास साक्षीदारांवर दबाव येण्याची किंवा पुराव्यात छेडछाड होण्याची शक्यता आहे. पीडितेच्या हक्कासोबत समाजहितही लक्षात घेणे आवश्यक आहे. आरोपींना जामीन दिल्यास समाजहिताला बाधा येऊ शकते,’ अशी गंभीर निरीक्षणं नोंदवून अतिरिक्त सत्र न्यायाधीश के. पी. क्षीरसागर यांनी हा आदेश दिला.
Pune Crime : प्रपोज नाकारल्याचा राग, पुण्यात 25 वर्षीय तरुणाने युवतीचे अश्लील फोटो बनवले, सहानुभूतीसाठी नंतर भलताच डाव
वैष्णवीची सासू लता राजेंद्र हगवणे (वय ५४), नणंद करिश्मा राजेंद्र हगवणे (२१, दोघी रा. भुकूम, ता. मुळशी) आणि नीलेश रामचंद्र चव्हाण (३५, रा. कर्वेनगर) अशी जामीन फेटाळलेल्या आरोपींची नावं आहेत. हुंडा आणि जमीन खरेदी करण्यासाठी सासरी होणाऱ्या शारीरिक आणि मानसिक जाचाला कंटाळून वैष्णवी शशांक हगवणे (२४, रा. मुक्ताई गार्डनजवळ, भुकूम, मुळशी) हिने १६ मे रोजी राहत्या घरात गळफास घेत आत्महत्या केल्याचा आरोप आहे.

Pune Fire : पालक कामावर, पुण्यातील फ्लॅटमध्ये लागलेल्या आगीत होरपळून मुलाचा मृत्यू, आई धावत घरी पोहोचली, पण…
या प्रकरणी न्यायालयीन कोठडीत असलेल्या लता, करिश्मा आणि नीलेशने ॲड. विपुल दुशिंग यांच्या मार्फत न्यायालयात अर्ज केला. त्याला विशेष सरकारी वकील उज्ज्वला पवार आणि तक्रारदारांचे वकील शिवम निंबाळकर यांनी विरोध केला होता. शवविच्छेदन अहवालात पीडितेच्या अंगावर ३० जखमा आढळल्या असून, ११ ते १६ मे या दरम्यान तिचा क्रूर छळ केला जात होता. आरोपी नीलेशही हुंड्याच्या प्रत्येक चर्चेवेळी उपस्थित होता, त्याने शशांक आणि करिश्माच्या मोबाइलमधील सीमकार्ड नष्ट केली आहेत. कॉल डिटेल्स रेकॉर्ड आणि आर्थिक व्यवहारातून करिश्मा आणि नीलेशमधील निकटचं नातं लक्षात येतं, असा युक्तिवाद विशेष सरकारी वकील आणि तक्रारदारांच्या वकिलांनी केला. तो ग्राह्य धरून न्यायालयाने आरोपींचा जामीन अर्ज फेटाळण्यात आला.