मराठवाड्याला रविवारी मुसळधार पावसाने झोडपले. दोन दिवसांपासून सर्वदूर पाऊस सुरू असल्यामुळे मराठवाड्यात पूर परिस्थिती बिकट झाली आहे. विभागात १८९ महसूल मंडळात अतिवृष्टी झाली आहे. जायकवाडी धरणाचे आपत्कालीन दरवाजे उघडल्याने नदीकाठची गावे आणि शेतीला धोका निर्माण झाला आहे. गोदाकाठचा ५० गावांशी संपर्क तुटला आहे.
जालना १५, बीड ४८, लातूर ४, धाराशिव ७, नांदेड १३, परभणी ११ आणि हिंगोली ११ अशी जिल्हानिहाय मंडळात अतिवृष्टी झाली आहे. गंगापूर, वैजापूर या कमी पर्जन्यमान असलेल्या तालुक्यातील काही मंडळात १५० मिमीपेक्षा अधिक पाऊस झाला आहे. विभागात सरासरी ५५.६ मिमी पाऊस झाला आहे. छत्रपती संभाजीनगर जिल्ह्यात सर्वाधिक ११०.३ मिमी पाऊस झाला आहे. जालना ६२.९, बीड ६३.८, लातूर २५.४, धाराशिव ३९, नांदेड २६.२, परभणी ४४.५ आणि हिंगोली ५५.५ असा जिल्हानिहाय पाऊस झाला आहे.
जालना जिल्ह्यात जोरात पाऊस सुरू आहे. जिल्ह्यातील राजाटाकळी, मंगरुळ, जोगलादेवी, पाथरवाला, लोणी सावंगी या पाच उच्च पातळीच्या बंधाऱ्यातून विसर्ग सुरू आहे. जालना, बदनापूर, भोकरदन, मंठा, अंबड, जाफ्राबाद तालुक्यात पशूधनाची हानी झाली आहे. अनेक भागात पिके पाण्यात बुडाली आहेत. नांदेड जिल्ह्यातही मुदखेड, धर्माबाद, नायगाव, देगलूर या तालुक्यात पूर परिस्थिती कायम आहे. अनेक गावे पुराने वेढलेली असून शेतीचे प्रचंड नुकसान झाले आहे. धाराशिव जिल्ह्यातील भूम आणि परंडा तालुक्यात पूर परिस्थितीमुळे संकट निर्माण झाले आहे. खामगाव (ता. धाराशिव) येथे गावात पाणी शिरल्यामुळे नुकसान झाले आहे. मात्र, दलित वस्तीत योग्य सर्वेक्षण होत नसल्याचा आरोप ग्रामस्थांनी केला आहे.
हिंगोलीत पुराचे संकट
हिंगोली जिल्ह्यात मुसळधार पाऊस सुरू असून कयाधू नदीला पूर आला आहे. नदी-नाल्यांना पूर आल्यामुळे कळमनुरी तालुक्यातील अनेक गावात पाणी शिरले आहे. वसमत तालुक्यातील कुरुंदा गावात पाणी शिरल्यामुळे मोठे नुकसान झाले आहे. या पावसामुळे हिंगोली-समगा रस्ता बंद झाला आहे. उर्ध्व पैनगंगा प्रकल्पाचे १३ दरवाज्यातून २२ हजार क्युसेक विसर्ग नदीपात्रात सुरू आहे. येलदरी प्रकल्पातून ३२ हजार १८० क्युसेक विसर्ग आणि सिद्धेश्वर प्रकल्पातून २५ हजार ६३८ क्युसेक विसर्ग सुरू आहे.
पैठण शहरात पाणी
उर्ध्व भागात आणि पाणलोट क्षेत्रात पाऊस सुरू असल्यामुळे जायकवाडी धरणातून रविवारी दुपारी साडेतीन वाजता आपत्कालीन नऊ दरवाजे आठ फुटापर्यंत उचलून ९४३२ क्युसेक विसर्ग वाढविण्यात आला आहे. त्यामुळे सांडव्याद्वारे गोदावरी नदीपात्रात एकूण १८ नियमित व नऊ आपत्कालीन दरवाजामधून एकूण दोन लाख २६ हजार ३६८ क्युसेक विसर्ग सुरू आहे. त्यामुळे ग्रामीण भागासह शहरामध्ये पूरजन्य परिस्थिती आहे. नवगाव पूल पाण्यात बुडाल्याने ८० गावांचा संर्पक तुटला आहे. पैठण शहरातील परदेशीपुरा, कहारवाडा, साठेनगर, लहुजीनगर, संतनगर भागातील नागरिकांना सुरक्षितस्थळी हलविण्यात येत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा