27 सप्टेंबर रोजी नैतिक सदाशिव सोनवणे, वय 16 वर्ष, हा लेहा गावाजवळ असलेल्या एका खाजगी शाळेत दहावीचं शिक्षण घेत होता. नैतिक आणि त्याच्या मित्राने मागील काही दिवसांपासून दुचाकीने तुळजापूरला दर्शनासाठी जाण्याची तयारी केली होती. नैतिकने याबाबत आपल्या आईला कळवलं आणि त्यानंतर वडिलांना कळवलं, मात्र दोघांनीही जाण्यास नकार दिला. तरीही नैतिक घरी वारंवार तगादा लावत होता, मात्र आई-वडील त्याला परवानगी देत नव्हते.
Chandrapur News : दोघे एकत्र जेवले, नंतर एकाची बॉडी नाल्यात; भयंकर घटनेने पोलिसही हैराण, शहरात खळबळ
सध्याची राज्यभरातील पावसाची परिस्थिती पाहता त्याच्या आई-वडिलांनी जाण्यास नकार दिला होता. पाऊस उघडल्यावर आपण सर्वजण सोबत जाऊ, असंही आईने त्याला सांगितलं होतं. पण नैतिक आपल्या मित्रांसोबत तुळजापुरला दर्शनासाठी जाण्यास हट्ट धरून बसला होता. शेवटी आई-वडिलांनी त्याला जाण्यास स्पष्ट नकार दिल्यानंतर नैतिकने टोकाचं पाऊल उचललं.
Jalna News : धरणात मासे पकडण्यासाठी गेला तो परत आलाच नाही, समोरील दृष्य पाहून कुटुंबाचा टाहो, गावात हळहळ
27 सप्टेंबर 2025 रोजी, शनिवारी नैतिकची आई शेतात भुईमुगाच्या शेंगा तोडण्याचं काम करत होती, तर वडीलही कामात होते. त्याचे आजोबा गावातील एका अंत्यविधीसाठी गेले होते. त्याच वेळी त्याने घरात गळफास घेऊन आत्महत्या केली. आजोबा घरी आले तेव्हा घराचा दरवाजा आतून बंद होता. बाहेरुन पाहिलं असता नैतिकने गळफास घेतल्याचं त्यांना दिसलं. तात्काळ नातेवाईकांनी नैतिकला खाली उतरवून दवाखान्यात दाखल केलं. मात्र डॉक्टरांनी त्याला तपासून मृत घोषित केलं.

शेतात राबणाऱ्या आई-वडिलांना ही बाब समजली. त्यांनी घरी येऊन समोरील दृष्य पाहिलं आणि त्यांच्या पायाखालची जमीनच सरकली. आई-वडिलांनी टाहो फोडला. बाळा तुझ्या काळजीसाठीच नाही जाऊ देत होते रे मी.. असं म्हणत आईने हंबरडा फोडला. आपला एकलुता एक मुलगा आता आपल्याला कायमचा सोडून गेल्यानंतर आई – वडिलांना अश्रू अनावर झाले. सदर घटनेची माहिती पोलिसांना देण्यात आली. तात्काळ घटनास्थळी पंचनामा केला असून पारध पोलीस ठाण्यात सदर घटनेची नोंद करण्यात आली आहे, पुढील तपास पोलीस करत आहे.