हार्ट अटॅक आणि कार्डिअॅक ॲरेस्ट यात फरक असून हार्ट अटॅकमध्ये हृदयाचे पंपिंग बंद होऊन रक्तपुरवठा बंद होतो. तर कार्डिअॅक ॲरेस्टमध्ये इलेक्ट्रिकल दोषामुळे हृदय अचानक बंद पडते. अलिकडे ४० ते ४५ वर्ष वयोगटात ॲक्युट कार्डिअॅक ॲरेस्टच्या घटना घडण्याचे आणि त्यामुळे व्यक्ती दगावण्याचे प्रमाण वाढले आहे.

५० वर्षीय प्रशांत शिंदे हे ॲसिडिटीसदृश त्रासावर उपचार घेण्यासाठी डॉक्टरांकडे आले होते. ईसीजी आणि रक्त चाचणीचा अहवाल साधारण होता. परंतु तपासणीत हृदयाच्या कार्यात अनियमितता आढळल्याने त्यांना अँजिओग्राफी करण्याचा सल्ला देण्यात आला. ही चाचणी करण्यासाठी बाहेर पडत असतानाच दवाखान्याच्या दारात कार्डिअॅक ॲरेस्ट येऊन ते कोसळले. त्यांचे हृदय बंद पडून श्वासोच्छवासही थांबला होता.

दवाखान्यातील डॉक्टरांसह आरोग्य कर्मचाऱ्यांनी तात्काळ त्यांना आत नेऊन सीपीआर (कार्डिओ पल्मनरी रिसॅसिटेशन) देणे सुरु केले. हृदयावर दाब देऊन हृदयामधील रक्त प्रवाह नियमित करण्याचे प्रयत्न सुरु केले. रुग्णाला ४०० ज्यूल्सचे तीन शॉक देण्यात आले. तीन मिनिटे शास्त्रशुद्ध पद्धतीने हे प्रयत्न सुरु ठेवल्याने रुग्णाचे हृदय धडधडायला लागलं. यामुळे सर्वांनीच नि:श्वास टाकला.
Pune Fire : पालक कामावर, पुण्यातील फ्लॅटमध्ये लागलेल्या आगीत होरपळून मुलाचा मृत्यू, आई धावत घरी पोहोचली, पण…
अर्ध्या तासात अँजिओग्राफी करण्यात आली. डाव्या बाजूच्या रक्तनलिकेत १०० टक्के ब्लॉकचे निदान झाले. दोन स्टेंट टाकून हृदयाचा रक्तपुरवठा सुरळीत करण्यात आला. ५० मिनिटांत उपचार झाल्यामुळे रुग्णाचे प्राण वाचले.
Jalna News : हाकेला धावून जाणाऱ्या 24 वर्षांच्या विकीचा हृदयस्पर्शी मृत्यू, मदत करतानाच काळाने गाठलं, अख्खं गाव हळहळलं
दुसरीकडे, गरबा खेळत असतानाच हृदयविकाराचा झटका आल्याने ४६ वर्षीय महिलेचा मृत्यू झाल्याची दुर्दैवी घटना नुकतीच मुंबईजवळ असलेल्या, पालघर जिल्ह्यातील वसई परिसरात घडल्याचं समोर आलं आहे. गरबा खेळताना जागीच कोसळल्यानंतर महिलेला रुग्णालयात नेण्यात आलं होतं, परंतु उपचारांदरम्यान तिची प्राणज्योत मालवली.