आरोपीने ‘आयआयटी’ मुंबईतील प्राध्यापक असल्याचं भासवून पुण्यातील एका प्राध्यापकाचा विश्वास संपादन केला. सरकारच्या कृत्रिम बुद्धिमत्ता आणि ‘ड्रोन’ विषयक प्रकल्पाचा करार करण्याचे आश्वासन देऊन वारंवार दूरध्वनी आणि ईमेलद्वारे संपर्क साधला. संबंधित प्रकल्पासाठी आरोपीने खासगी विद्यापीठाकडून टप्प्याटप्याने एकूण दोन कोटी 46 लाख रुपये घेतले. मात्र, आरोपी करारासाठी न आल्याने आपली फसवणूक झाल्याचे विद्यापीठाच्या लक्षात आले, त्यानंतर त्यांनी पोलिसांत तक्रार दिली.

सायबर पोलिसांनी केलेल्या तांत्रिक तपासात आरोपीचं खरं नाव समोर आलं. तो मूळचा विजयवाडा येथील असून 2010 मध्ये ईएनटीसी अभियांत्रिकी पूर्ण करून पुढील शिक्षणासाठी ब्रिटनला गेला होता. तेथे स्टॅफोर्डशायर व बर्मिंगहॅम विद्यापीठांतून अनुक्रमे पदव्युत्तर आणि पीएच.डी. पूर्ण केली. त्यानंतर हैदराबादमधील दोन विद्यापीठांत नोकरी केली. याशिवाय त्याने 2019 व 2020 मध्ये केंद्रीय लोकसेवा आयोगाची परीक्षा पूर्व व मुख्य अशा दोन्ही टप्प्यांत उत्तीर्ण केली होती, अशी माहिती पोलिसांना मिळाली आहे.

Headmaster beats Officer CCTV : सरकारी शाळेच्या मुख्याध्यापकांनी बेल्ट काढला, शिक्षण अधिकाऱ्याला कार्यालयातच बदडलं, कारण काय?
तपासासाठी सायबर पोलिसांचे पथक 18 सप्टेंबरला हैदराबादला रवाना झाले. चार दिवसांच्या शोध मोहिमेनंतर 21 सप्टेंबरला याप्रल भागात सापळा रचून त्याला जेरबंद करण्यात आले. हैदराबाद न्यायालयाकडून ट्रान्झिट रिमांड मिळवून आरोपीला पुण्यात आणण्यात आलं. वरिष्ठ निरीक्षक स्वप्नाली शिंदे आणि त्यांच्या सहकाऱ्यांनी ही कामगिरी केली.
Buldhana Crime : 22 वर्षीय प्रियकराने इंजिनिअरिंग विद्यार्थिनीचा हॉटेलमध्ये जीव घेतला, पोलिसांनी तिचं नाव जाहीर केलं अन् रात्रभरात मोठा ट्विस्ट
आरोपीकडून पोलिसांनी 49 लाख 75 हजार रुपयांचा मुद्देमाल जप्त केला आहे. यात दहा बँकांचे एटीएम कार्ड, तेरा पासबुक, पंधरा चेकबुक, सिमकार्ड, कम्प्युटर, मोबाइल, टॅब, दागदागिने, सोने खरेदी पावत्या; तसेच 48 लाख रुपये किमतीच्या दोन कार असा मुद्देमालाचा समावेश आहे. आरोपीवर हैदराबादमध्ये यापूर्वीही फसवणुकीचे काही गुन्हे दाखल आहेत. त्याला ऑनलाइन जुगाराचे व्यसन असून पुण्यातील खासगी विद्यापीठाकडून घेतलेल्या पैशातील सुमारे सव्वाकोटी रुपये त्याने ऑनलाइन जुगारात गमावल्याचा दावाही आरोपीने केला आहे, अशी माहिती वरिष्ठ निरीक्षक स्वप्नाली शिंदे यांनी दिली.