काय आहे प्रकरण?

ठाणे जिल्ह्यातील पारसिक डोंगराच्या माथ्यावर मुंब्रादेवीचे पुरातन मंदिर आहे. सोमवारपासून सुरू झालेल्या नवरात्रोत्सवानिमित्त मंदिरात जाणाऱ्या भाविकांची संख्या वाढत आहे. या पार्श्वभूमीवर मुंब्रा रेल्वे स्थानकातील फलाटाच्या शेवटच्या नामफलकावर मुंब्रादेवी असे स्टिकर चिकटवण्यात आले. मराठी, हिंदी आणि इंग्रजी अशा तीन भाषांमध्ये मुंब्रादेवी नाव लिहिण्यात आले होते. रात्री उशिरा स्टिकर चिकटवण्यात आल्याचा अंदाज ‘आरपीएफ’ने वर्तवला आहे. रेल्वे स्थानकात कायदा आणि सुव्यवस्थेचा प्रश्न निर्माण होऊ नये, यासाठी ‘आरपीएफ’ने तातडीने स्टिकर हटवले.

या प्रकरणी अज्ञातांच्या विरोधात नोंद दाखल करण्यात आली आहे. रेल्वे स्थानकातील सीसीटीव्हीच्या माध्यमातून स्टिकर लावणाऱ्या अज्ञातांचा शोध सुरू आहे. रेल्वे स्थानकात पुरेसा बंदोबस्त तैनात करण्यात आला आहे, असे रेल्वे सुरक्षा दलाच्या अधिकाऱ्यांनी सांगितले.
Bala Nandgaonkar : ठाकरेंच्या खासदाराने पाण्यात उतरुन कुटुंबाला वाचवलं, मनसे नेत्याकडून ओम राजेंचं भरभरुन कौतुक, युतीवर शिक्का

मूर्तीच्या विटंबनेमुळे मुंबईच्या मानखुर्दमध्ये तणाव

दुसरीकडे, मुंबईतील मानखुर्द परिसरात देवीच्या मूर्तीची विटंबना केल्याच्या आरोपावरून रविवारी रात्री प्रचंड तणाव निर्माण झाला. पोलिसांच्या वेळीच हस्तक्षेपामुळे परिस्थिती नियंत्रणात आली. या भागांत तणावपूर्ण शांतता आहे. याप्रकरणी मानखुर्द पोलिसांनी नऊ जणांना अटक केली आहे.

पोलिसांनी दिलेल्या माहितीनुसार, एक सार्वजनिक नवरात्रोत्सव मंडळ देवीची मूर्ती मंडपात विराजमान करण्यासाठी घेऊन जात होते. साठेनगरमधील अरुंद गल्लीतून जात असताना मूर्तीच्या विटंबनेच्या मुद्द्यावरून कार्यकर्ते, भाविक प्रचंड संतापले.
Pune Crime : टपऱ्या, स्टॉल आणि फ्लेक्स पाडले, आंदेकर टोळीच्या अड्ड्यांवर धडक कारवाई, 20 कोटींच्या खंडणी प्रकरणीही गोत्यात
विटंबनेचा आरोप करत काहींनी दुसऱ्या गटाशी वाद घालण्यास सुरुवात केली. दोन्ही गटांमध्ये धक्काबुक्की, हाणामारी झाली. मानखुर्द पोलिसांनी धाव घेऊन परिस्थितीवर नियंत्रण मिळवले, तसेच दोन्ही गटांतील कार्यकर्त्यांना ताब्यात घेतले. सीसीटीव्ही, मोबाइल व्हिडीओवरून माहिती घेत पुढील कारवाई सुरू आहे.