विशेष म्हणजे पुणे पोलिसांना हत्येच्या काही दिवसांपूर्वी आंदेकर टोळी वनराज आंदेकरच्या हत्येचा बदला घेण्यासाठी तयारी करत असल्याची माहिती मिळाली होती. त्यानुसार आंदेकर टोळीच्या आरोपींना पोलिसांनी रेकी करताना रंगेहातदेखील पकडलं होतं. पण बंडू आंदेकर हा स्वत:च्याच नातवाला संपवेल, अशी कल्पना पोलिसांनादेखील नव्हती. त्यामुळे पोलीस देखील या घटनेने अवाक झाले. या प्रकरणी पोलिसांनी गोळीबार करणाऱ्यांपासून बंडू आंदेकरच्या कुटुंबातील सदस्यांना अटक केली आहे, अशी चर्चा आहे. पोलिसांकडून या प्रकरणी सखोल तपास सुरु आहे. पोलीस तपासातून याबाबत नवनवीन माहिती समोर येत आहे.

बंडू आंदेकरने 20 कोटींची खंडणी घेतली

या प्रकरणात पोलिसांनी तपास केला असता आता या प्रकरणाला वेगळं वळण मिळताना दिसत आहे. बंडू आंदेकर याने व्यापाऱ्यांकडून तब्बल 20 कोटींची खंडणी घेतल्याची माहिती आता समोर आली आहे. त्यामुळे आता त्याच्यावर कठोर कारवाई होण्याची शक्यता आहे. पोलिसांकडून या प्रकरणी आता इत्यंभूत तपास केला जात आहे. पोलीस या प्रकरणी आता वेगवेगळ्या अँगलने तपास करताना दिसत आहेत. त्यामुळे आंदेकर टोळीचे सर्व कूकृत्य उघड होण्याची शक्यता आहे.
पुणे गँगवॉर : ‘मलाही गोळ्या घाला’; गणेश कोमकर मुलाच्या अंत्यविधीला धायमोकलून रडला, पुत्राला अग्नीडाग देताना म्हणाला…

पोलिसांच्या तपासात काय उघडकीस आलं?

गेल्या दहा वर्षांपासून गणेश पेठ येथील मच्छि मार्केटमधील व्यापाऱ्यांकडून बंडू आंदेकरने तब्बल 20 कोटींपेक्षा जास्त रकमेची खंडणी उकळल्याचे पोलिसांच्या तपासात उघडकीस आले आहे. या प्रकरणी आंदेकर कुटुंबातील सहा जणांविरुद्ध गुन्हा दाखल करण्यात आला आहे. व्यापाऱ्यांमध्ये दहशत माजवून बंडू आंदेकर, कृष्णा आंदेकर, शिवम आंदेकर, अभिषेक उदयकांत आंदेकर, सोनाली वनराज आंदेकर आणि शिवराज उदयकांत आंदेकर यांनी दरमहा 15 ते 20 लाख रुपये खंडणी उकळल्याचे निष्पन्न झाले आहे.