नागरिकांच्या प्रश्नांवर समाधानकारक भूमिका न घेता अधिकाऱ्यांकडून मिळालेल्या मोघम उत्तरांमुळे आमदार पवारांनी थेट अधिकाऱ्यालाच धारेवर धरले. आतापर्यंत गोट्या खेळत होता का? तक्रार करणारे नागरिक बावळट आहेत का? तू मिजासखोर बनून अॅटीट्युड दाखवू नकोस. हा तुमच्या बापाचा पैसा नाही, हा लोकांचा पैसा आहे, अशा शब्दांत त्यांनी अधिकाऱ्याला झापले. सभागृहात उपस्थित असलेल्या नागरिकांसमोरच आमदार पवारांनी कठोर शब्दात इशारा देत म्हणाले की, अशा प्रकारचे निकृष्ट काम आणि बेफिकीर वृत्ती जर सुरू राहिली तर लोकांना थेट शेण थापायला सांगा. कामचुकार अधिकाऱ्यांना लोक माफ करणार नाहीत, असं रोहित पवार यांनी म्हटलं आहे.
Ahilyanagar Crime : आई-वडील विभक्त, चारही बहिणींना नातेवाईकांकडे सांभाळायला दिलं; नराधाम दाम्पत्याकडून संतापजनक कृत्य
गेल्या काही महिन्यांपासून जामखेड नगरपरिषदेच्या माध्यमातून सुरू असलेल्या गटार योजनेत दर्जेदार काम होत नसल्याच्या तक्रारी नागरिकांनी वारंवार केल्या होत्या. मात्र प्रशासनाकडून गंभीर दखल घेतली गेली नसल्याने अखेर आमदारांनी सभागृहातच अधिकाऱ्यांना सुनावले.
पुढील स्थानक…अहिल्यानगर! अखेर रेल्वेस्टेशनचेही नाव बदलले, सरकारकडून प्रक्रिया पूर्ण
दरम्यान, रोहित पवारांनी अधिकाऱ्याला आक्रमकपणे फटकारल्यामुळे सभागृहात काही काळ तणावपूर्ण वातावरण निर्माण झाले होते. नागरिकांनीही आमदारांच्या भूमिकेला जोरदार दाद दिली. पैसा जनतेचा आहे, काम जबाबदारीने झालंच पाहिजे. बेफिकीर वृत्ती सहन केली जाणार नाही,असा स्पष्ट संदेश रोहित पवारांनी प्रशासनाला दिला आहे.