माजी नगरसेवक वनराज आंदेकरच्या खुनानंतर भडकलेल्या आंदेकर-गायकवाड टोळीच्या संघर्षातून पाच सप्टेंबर रोजी आयुष कोमकरचा खून करण्यात आला. या प्रकरणी टोळीप्रमुख बंडू उर्फ सूर्यकांत राणोजी आंदेकरच्या कुटुंबातील नऊ सदस्यांसह एकूण पंधरा जणांना अटक करण्यात आली आहे. त्यापैकी बारा जण पोलिसांच्या कोठडीत आहेत; तर माजी नगरसेविका लक्ष्मी आंदेकर, वनराज आंदेकरची पत्नी सोनाली आणि बंडू आंदेकरची मुलगी वृंदावनी वाडेकर न्यायालयीन कोठडीत आहेत.

या प्रकरणात सर्व आरोपींवर महाराष्ट्र संघटित गुन्हेगारी नियंत्रण कायद्यानुसार (मकोका) कारवाई करण्यात आली आहे. त्या अंतर्गत बंडू आंदेकरची घरझडती घेण्यात आली. त्यामध्ये ७७ तोळे सोन्याचे दागिने, अडीच लाखांची रोकड, जमीन व्यवहारातील कागदपत्रे, मोटार, करारनामे जप्त करण्यात आले आहेत. त्यानंतर पोलिसांनी टोळीच्या आर्थिक बाबींचा तपास सुरू केला असून, त्यामध्ये आरोपींच्या बँक खात्यातून लाखो रुपयांची उलाढाल झाल्याचे निदर्शनास आले. त्यापैकी ५० लाखांहून अधिकची रक्कम पोलिसांनी गोठवल्याने टोळीच्या आर्थिक नाड्या आवळल्या गेल्या आहेत.

तपास ‘भारती’ पोलिसांकडे

वनराज आंदेकरच्या खून प्रकरणातील आरोपींच्या कुटुंबीयांना लक्ष्य करण्याचा कट आंदेकर टोळीने रचला होता. मात्र, भारती विद्यापीठ पोलिसांच्या तत्पर कारवाईमुळे हा कट उधळला गेला. त्यानंतर आरोपींनी आयुष कोमकरचा निर्घृण खून केला. या प्रकरणी गुन्हे शाखेकडून सुरू असलेला तपास पुन्हा भारती विद्यापीठ पोलिस ठाण्याकडे देण्यात आला आहे, अशी माहिती पोलिस उपायुक्त (गुन्हे) निखिल पिंगळे यांनी दिली.
Mumbai Crime : आजी मला दुखतंय, 4 वर्षांच्या नातीने सांगितलं, गोरेगावातील नामांकित शाळेत भयंकर प्रकार, 43 वर्षीय महिला मदतनीस अटकेत

आरोपींच्या घरांची रेकी

टेहाळणी करणाऱ्या दत्ता काळे याला कृष्णा आंदेकर याने खोलीसाठी पाच हजार रुपये देऊन आंबेगाव पठार भागात पाठविले आहेत. नंतर ३० ऑगस्ट रोजी रात्री १० वाजता काळेने वनराज यांचा खून करणाऱ्या आरोपींची घरे पाहिली. त्याची माहिती कृष्णाला व्हॉट्सॲप कॉलद्वारे दिली. कृष्णाने ‘अमनला पाठवतो’ असे सांगितले. मात्र, तो आला नाही.
Pune Crime : आम्ही या भागाचे भाई; पुण्यात घायवळ टोळीचे सर्वसामान्यांवर हल्ले, मित्रांसोबत बोलत असतानाच…
दुसऱ्या दिवशी सकाळी काळेने पुन्हा कृष्णाला फोन केल्याचे पोलिसांच्या तांत्रिक तपासात उघड झाले. कृष्णाने कॉल न घेतल्याने काळेने यश पाटील याला कॉल केला. त्या वेळी पाटीलने काळेला ‘अमनला कॉल करण्यास सांगतो,’ असे म्हटले होते. त्यानंतर दुपारी साडेबारा वाजता कृष्णाने काळेला कॉल करून सात ते आठ जणांना पाच शस्त्रे घेऊन पाठविले असल्याचे सांगितले होते.