Sangram Bhandare Statement in Pune : पुण्यात ‘स्टॅच्यू ऑफ हिंदुभूषण’ मानवंदना सोहळ्यात संग्राम भंडारे यांच्या वादग्रस्त वक्तव्याने खळबळ उडाली. आमदार महेश लांडगे यांच्या समर्थनार्थ ‘आम्ही तुमच्यासाठी मरू पण, ठोकू पण’ असे विधान त्यांनी केले, ज्यामुळे नवा वाद निर्माण झाला आहे. यापूर्वीही नथुराम गोडसे बनण्याची भाषा वापरल्याने ते टीकेचे धनी ठरले होते.
या कार्यक्रमात बोलताना संग्राम भंडारे म्हणाले, ‘शिवशंभूच्या विचारांना पुढे चालवण्यासाठी ‘धर्मनिष्ठा, कर्मनिष्ठा’ हेच ब्रीद ठेवून काम करणारे आमदार महेश लांडगे आहे असे सांगत ‘आय लव्ह यु दादा’ असे म्हटले. तर त्यासोबतच भाजप आमदार महेश लांडगे यांच नावं घेत ‘दादा तुम्ही आमच्यासाठी स्मारक उभं केल ना आम्ही तुमच्यासाठी पावसात तर उभे राहूच पण तुमच्या साठी मरू पण आणि एखाद्याला ठोकू पण…’ असं वक्तव्य केलं आहे. संग्राम भंडारे यांच्या या वक्तव्याने नवा वाद उभा राहिला आहे.
Maharashtra Politics : युतीच्या चर्चेत राज ठाकरेंचं पारडं जड? उद्धव ‘दादू’ बॅकफूटवर जाण्याची चिन्हं, तो मुद्दा ठरणार गेमचेंजर
काही दिवसांपूर्वी संगमनेर याठिकाणी एका कीर्तनामध्ये बाळासाहेब थोरात आणि संग्राम भंडारे यांच्या कार्यकर्त्यांमध्ये झटापट झाली होती. यानंतर बाळासाहेब थोरात यांच्यावर टीका करताना संग्राम भंडारे यांनी आम्हाला नथुराम गोडसे व्हावं लागेल, अशी मुक्ताफळे उधळली होती. त्यानंतर संग्राम भंडारे हे वादाच्या भोवऱ्यात सापडले होते. आता पुन्हा एकदा संग्राम भंडारे यांनी तशाच पद्धतीचं वक्तव्य केल्याने एक नवा वाद उभा राहिला आहे.
दरम्यान, याच कार्यक्रमात महेश लांडगे यांनी केलेल्या भाषणावरून सुद्धा वाद उफळाला आहे. महाराष्ट्रातील सध्याची परिस्थिती पाहता आमच्या माता-भगिनींवर अन्याय होतो. अशावेळी धर्मवीर छत्रपती संभाजी महाराज यांना स्मरून सांगतो. ट्रस्टच्या माध्यमातून मी आणि माझे सहकारी या अन्यायाच्या विरोधात आक्रमक भूमिका घेताना दिसतील. वालचंद नगर येथे एका गतिमंद मुलीबाबत अत्याचाराचा प्रकार घडला. असा प्रकार आपल्या घरातील व्यक्तीसोबत घडला असता, तर आपण गप्प बसलो असतो का? यापुढील काळात माता-भगिनींवर कोणत्याही प्रकारचा अन्याय झाला, तर पोलिसांपर्यंत जायची ही गरज लागणार नाही महेश लांडगे आणि त्यांचे सहकारी अशा नराधमांचा चौरंग्या केल्याशिवाय राहणार नाही, असे आक्रमक भाषण आमदार महेश लांडगे यांनी केले. लांडगे यांच्या भाषांनंतर त्यांना गृहमंत्र्यावर विश्वास नाही का? असा प्रश्न विरोधकांनी उपस्थित केला आहे.
‘लंडन बूक ऑफ रेकॉर्ड’ मध्ये नोंद
धर्मवीर छत्रपती संभाजी महाराज यांचे हे स्मारक जगातील सर्वात उंच म्हणून नोंद झाली आहे. याशिवाय देण्यात आलेली मानवंदना यासाठी ढोल ताशा पथकांची उपस्थिती हे देखील नोंद पहिल्यांदाच झाली असून, याबद्दल ‘लंडन बुक ऑफ रेकॉर्ड’ द्वारा हिंदू भूषण ट्रस्टच्या सर्व पदाधिकाऱ्यांना गौरविण्यात आले आणि प्रमाणपत्र देऊन सन्मानित करण्यात आले.
लेखकाबद्दलविमल पाटीलविमल पाटील, महाराष्ट्र टाइम्समधून वेब पत्रकारितेला सुरुवात केली, गेले एक वर्ष कन्सलटन्ट म्हणून काम करत आहे. डिजिटल पत्रकारितेत वृत्त संकलन, सोशल मीडियाचे व्यवस्थापन आणि फिल्ड रिपोर्टिंगचा अनुभव आहे. याआधी त्यांनी आर. एन. ओ. वृत्तसंस्थेसाठी फिल्ड रिपोर्टर म्हणून कार्य करत असताना विविध सामाजिक, राजकीय व स्थानिक विषयांवर रिपोर्टिंग केले आहे. तसेच, त्यांनी सामना आणि लयभारी या माध्यमांमध्ये सोशल मीडिया हँडलर म्हणूनही काम पाहिले आहे. त्या मुंबई विद्यापीठाच्या पत्रकारिता विभागातून पत्रकारितेची पदव्युत्तर प्राप्त आहे.… आणखी वाचा