शिवम उदयकांत आंदेकर (वय ३१), अभिषेक उदयकांत आंदेकर (२१), शिवराज उदयकांत आंदेकर (२९) आणि माजी नगरसेविका लक्ष्मी उदयकांत आंदेकर (६०, सर्व रा. नाना पेठ) अशी अटक आरोपींची नावे आहेत. या प्रकरणात सूर्यकांत ऊर्फ बंडू राणोजी आंदेकर (७०), त्याची मुलगी वृंदावनी नीलंजय वाडेकर (४०), नातू तुषार वाडेकर (२६) व स्वराज वाडेकर (२२), अमन युसूफ पठाण ऊर्फ खान (२५), यश सिद्धेश्वर पाटील (१९), अमित प्रकाश पाटोळे (१९, सर्व रा. नाना पेठ) आणि सुजल राहुल मेरगु (२०, रा. भवानी पेठ) हे आरोपी पोलिस कोठडीत असून, कृष्णा ऊर्फ कृष्णराज सूर्यकांत आंदेकर (४०) अद्याप पसार आहे. सर्व १३ आरोपींविरोधत खुनासह महाराष्ट्र संघटित गुन्हेगारी नियंत्रण कायद्यानुसार (मकोका) गुन्हा दाखल करण्यात आला आहे. या प्रकरणी आयुषची आई कल्याणी गणेश कोमकर (रा. भवानी पेठ) हिने समर्थ पोलिस ठाण्यात तक्रार दिली आहे. ही घटना पाच सप्टेंबर रोजी सायंकाळी साडेसातच्या सुमारास भवानी पेठेतील लक्ष्मी कॉम्प्लेक्स या इमारतीच्या पार्किंगमध्ये घडली होती.
Pune Gang War: आयुष कोमकर हत्या प्रकरणी पुणे पोलिसांची मोठी कारवाई, आंदेकर टोळीतील ‘त्या’ चौघांना अटक, गुजरातशी काय संबंध?

घरातून सोने, रोकड, कागदपत्रे जप्त

या प्रकरणाच्या तपासात गुन्हे शाखेने बंडू आंदेकर यांच्या घराची झडती घेऊन ७७ तोळे सोन्याचे दागिने, अडिच लाखांची रोकड, चांदी, मोटार; तसेच जमीन व्यवहाराशी कागदपत्रे, बँकेची कागदपत्रे, असा कोट्यवधींचा मुद्देमाल जप्त केला, तर वृंदावनी वाडेकर व तिच्या मुलांसह अन्य साथीदारांच्या घरांच्या झडतीत २१ हजारांची रोकड, १६ मोबाइल आणि दागिन्यांच्या पावत्या पोलिसांनी जप्त केल्या आहेत.
Pune Crime: वनराजच्या खुनाआधीची ती एक घटना अन् आंदेकर कुटुंबात वादाचा भडका; पुण्यातील धक्कादायक घटनाक्रमाची A टू Z स्टोरी
आयुष कोमकर खून प्रकरणात फरारी असलेल्या आंदेकर टोळीतील चौघांना गुजरात सीमेवरून ताब्यात घेतले. या प्रकरणात एक आरोपी फरारी आहे. गुजरातमधील स्थानिक न्यायालयाकडून आरोपींची प्रवासी कोठडी घेतली आहे. आरोपींनी सोमवारी पुण्यातील विशेष न्यायालयात हजर करण्यात येणार आहे, असं गुन्हे शाखा उपायुक्त निखिल पिंगळे यांनी म्हटलं आहे.माजी नगरसेवक वनराज आंदेकर खून प्रकरणातील आरोपी गणेश कोमकर याचा मुलगा आयुषचा पाच सप्टेंबर रोजी गोळीबार करूत खून करण्यात आला होता. पोलिसांनी सीसीसीटीव्ही चित्रीकरण तपासून यश पाटील आणि अमित पाटोळे यांना अटक केली. त्यानंतर बंडू आंदेकरसह त्याच्या साथीदारांना बुलढाणा परिसरातून अटक करण्यात आली. मात्र, आंदेकरांच्या कुटुंबातील पाच आरोपी पसार झाले होते. गुन्हे शाखेची पथके त्यांच्या मागावर होती.