मुंबई रेल्वे विकास महामंडळाकडून (एमआरव्हीसी) बांधण्यात येणाऱ्या १२ आणि १५ डब्यांच्या एसी लोकलमधील मालडबेही वातानुकूलित असणार आहेत. या डब्यांतील वस्तूंचा वास अन्य डब्यात पसरू नये, यासाठी स्वतंत्र डबा आणि स्वतंत्र वातानुकूलित यंत्रणा अशी व्यवस्था असणार आहे.
Metro 3 : सीएसएमटी मेट्रो स्थानकात देशातील पहिलं काचेचं मेट्रो प्रवेशद्वार, विजेचे दिवे नसलेलं स्टेशन; काय आहे वैशिष्ट्यं?
मुंबई लोकलच्या आधुनिकीकरणासाठी ‘एमआरव्हीसी’ने दोन हजार ८५६ पूर्ण वातानुकूलित वंदे मेट्रो डब्यांची खरेदी करण्याचा निर्णय घेतला आहे. याद्वारे १२ आणि १५ डब्यांच्या लोकल बांधण्यात येतील. १८ डब्यांच्या लोकलची व्यवहार्यतादेखील तपासण्यात येणार आहे. डबेखरेदी, लोकलबांधणी आणि देखभाल यासाठीची निविदाप्रक्रिया सुरू आहे.
वर्सोवा-वांद्रे सागरी सेतूबाबत महत्त्वाची बातमी, 6,788 कोटींची खर्चवाढ, काय होणार बदल? कुठून-कसा असणार मार्ग?
नव्याने बांधणी होणाऱ्या १२ आणि १५ डब्यांच्या एसी लोकलमध्ये मालडब्याची विशेष व्यवस्था असणार आहे. या लोकलमधून एका डब्यातून अन्य डब्यात जाण्याची व्यवस्था असणार आहे. मालडब्यासाठी लोकलच्या पुढे आणि मागे स्वतंत्र डबे असणार आहेत. यामुळे मालडब्यातील विविध वस्तूंचा वास इतरत्र पसरणार नाही. सध्या वापरात असलेल्या डब्याप्रमाणेच याची रचना असून येथील तापमान नियंत्रित ठेवण्यासाठी स्वतंत्र वातानुकूलित यंत्रणा असणार आहे.

बांधणी होणाऱ्या नव्या लोकल ताशी १३० किमी वेगाने धावण्यासाठी सक्षम असणार आहेत. डब्यात गादीयुक्त आसने, मोबाइल चार्जिंग सुविधा, मनोरंजन आणि माहिती प्रणाली अशा सुविधा असणार आहेत. यामुळे गारेगार प्रवास माहितीपूर्ण आणि आरामदायी होणार आहे. स्वयंचलित दरवाजे, प्रगत तांत्रिक वैशिष्ट्ये व जागतिक दर्जाचे देखभालसाह्य यांसारख्या आधुनिक सुविधांसह ‘एमआरव्हीसी’ लाखो प्रवाशांसह मालवाहू श्रमिकांचा रोजचा प्रवास सुखरूप आणि सुरक्षित करणार असल्याचे महामंडळाचे अध्यक्ष व व्यवस्थापकीय संचालक विलास वाडेकर यांनी सांगितले