मिळालेल्या माहितीनुसार, क्रिस्तीना शुक्रवारी संध्याकाळी खेळण्यासाठी बाहेर गेली होती. परंतु रात्री सात वाजेपर्यंत ती घरी परतली नाही. त्यामुळे तिची आई मनीषा मरकाम यांनी नवीन कामठी पोलीस ठाण्यात तक्रार नोंदवली. तक्रारीनंतर पोलिसांनी प्रकरण गांभीर्याने घेत तातडीने पथके तयार केली. श्वानपथक, तांत्रिक पथक तसेच विशेष तपास पथकांचा समावेश करून शोधमोहीम हाती घेण्यात आली.

ओबीसी आरक्षणाला धक्का लावू नका, ही आमची भूमिका; शरद पवारांसमोर नेत्याने व्यासपीठावरून स्पष्टच सांगितलं!

तपासादरम्यान परिसरातील सीसीटीव्ही फुटेज तपासले असता, क्रिस्तीना नाल्याच्या दिशेने जाताना दिसली. या महत्त्वपूर्ण माहितीच्या आधारे पोलिसांनी नाक्याजवळ शोध सुरू केला. पोलीस उपायुक्त निकेतन कदम, सहाय्यक उपायुक्त अंकुश खेडेकर आणि पोलीस निरीक्षक महेश आंधळे यांच्या मार्गदर्शनाखाली अग्निशमन दल व गोताखोरांच्या मदतीने नाल्यात शोध घेण्यात आला. अखेर काही अंतरावर क्रिस्तीनाचा मृतदेह सापडला. आपल्या लेकीचा मृतदेह बघताच आई-वडिलांनी एकच टाहो फोडला. परिसरातही हळहळ व्यक्त होत आहे.

नवी मुंबईतून अपहरण झालेली व्यक्ती पूजा खेडकरच्या घरात सापडली?

क्रिस्तीनाची आई कावरापेठ येथील वीज बिल संकलन केंद्रात नोकरी करते. दोन मुलींपैकी एकीचा असा अकस्मात मृत्यू झाल्याने कुटुंबावर दुःखाचा डोंगर कोसळला आहे. घटना समजताच परिसरातील नागरिक मोठ्या संख्येने घटनास्थळी जमले. पोलिसांनी नागरिकांना संयम राखण्याचे आवाहन केले. या प्रकरणी मृत्यूचे नेमके कारण अजून स्पष्ट झालेले नाही. अपघाती मृत्यू की अन्य काही कारण, याची तपासणी पोलिसांकडून सुरू आहे. या संपूर्ण तपासात तंत्रज्ञान महत्त्वाचे ठरले. सीसीटीव्ही फुटेजमुळे मुलीच्या हालचालींचा मागोवा घेता आला. वरिष्ठ अधिकाऱ्यांची तत्परता, नागरिकांचे सहकार्य आणि आधुनिक साधनांचा वापर यामुळे शोधमोहीम यशस्वी झाली.