धाराशिव जिल्हा परिषदेच्या अध्यक्ष पदाची सोडत आज जाहीर झाले. अध्यक्षपद हे सर्वसाधारण महिलांसाठी खुले झाले आहे. धाराशिव जिल्हा परिषदेवर काँग्रेस आणि राष्ट्रवादी काँग्रेसची पूर्वी सत्ता होती. त्यानंतर भाजप आणि शिंदे गटाने सत्ता हस्तगत केली.
भाजप आमदार राणा जगजीतसिंह पाटील यांच्या पत्नी अर्चना पाटील या धाराशिव जिल्हा परिषद माजी उपाध्यक्षा आहेत. पण त्यांच्या नावाने भावी जिल्हा परिषद अध्यक्षा अशी पोस्ट सोशल मीडियावर व्हायरल झाली आहे. आमदार राणा जगजीतसिंह पाटील यांचे कार्यकर्त्यांकडून याबाबतची पोस्ट व्हायरल करण्यात आली आहे. तर माजी मंत्री तथा आमदार तानाजी सावंत यांचे पुतणे आणि जिल्हा परिषद धाराशिवचे माजी उपाध्यक्ष धनंजय सावंत यांच्या पत्नी ज्योती सावंत यांची धाराशिव जिल्हा परिषदेच्या भावी अध्यक्षा अशी पोस्ट सोशल मीडियावर व्हायरल होत आहे.
यामुळे अर्चना पाटील विरुद्ध ज्योती सावंत अशी अध्यक्ष पदासाठी स्पर्धा भविष्यात पाहायला मिळू शकते. अर्चना पाटील जिल्हा परिषदेच्या भावी अध्यक्षा अशी पोस्ट सोशल मीडियावर व्हायरल होताच शिंदे गटाकडून ज्योतीताई सावंत जिल्हा परिषद भावी अध्यक्षा अशी पोस्ट व्हायरल केली गेली आहे.
‘आपल्या माऊली अध्यक्ष होणार’, मल्हार पाटलांची पोस्ट
आमदार राणा जगजीतसिंह पाटील यांचे चिरंजीव मल्हार पाटील यांनी त्यांच्या फेसबुक पेजवर अर्चनाताई पाटील यांचा फोटो वापरून आपल्या माऊली अध्यक्ष होणार, लागा कामाला, अशी भावनिक पोस्ट केली आहे. ही पोस्ट त्यांच्या कार्यकर्त्यांनी सोशल मीडियावर व्हायरल करून एकच राळ उठवून दिली. तर माजी मंत्री आमदार तानाजी सावंत यांच्या समर्थकांनी धनंजय सावंत आणि ज्योती सावंत यांचा एकत्र असलेला फोटो व्हायरल करत जिल्हा परिषद भावी अध्यक्षा अशी पोस्ट व्हायरल करून राळ उठवून दिली.
महाविकास आघाडीच्या वतीने अद्याप तरी कोणाचे नाव जाहीर केले नाही किंवा कोणाचाही फोटो व्हायरल केला नाही. अद्यापपर्यंत जिल्हा परिषद अध्यक्ष पदाचा उमेदवार कोण? हे सुद्धा त्यांनी जाहीर केले नाही. त्यामुळे महाविकास आघाडीच्या कार्यकर्त्यांनी कुठलीही पोस्ट सोशल मीडियावर व्हायरल केली नाही.
धाराशिव जिल्ह्यातील वेगवेगळ्या व्हाट्सअप ग्रुप तसेच फेसबुकवर अर्चनाताई पाटील आणि ज्योतीताई सावंत हे जिल्हा परिषद भावी अध्यक्षा अशा पोस्ट व्हायरल होताना दिसत आहेत. भविष्यात कोण अध्यक्ष होईल हे आता काळच ठरवेल.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा