मराठा आरक्षणाच्या नव्या जीआर विरोधात मंत्री छगन भुजबळ हे कोर्टात जाणार आहेत. त्यांच्या या भूमिकेवर मराठा नेते मनोज जरांगे पाटील यांनी प्रतिक्रिया दिली आहे. तसेच कोर्टात युक्तिवाद करण्याची वेळ आली तर कोणत्या मुद्द्यांवर युक्तिवाद करणार, याबाबत जरांगे यांनी सूचक माहिती दिली आहे.
मनोज जरांगे काय म्हणाले?
“हा नवा मार्ग नाही. तो माणूस जाणीवपूर्वक मराठ्यांचं वाटोळं करत आहे. हैदराबाद गॅझेटमध्ये आमच्या पूर्वीच्या महसूल नोंदी आहेत. सरकारी दस्तावेज आहेत की, मराठवाड्यातील सर्व मराठा समाज हा कुणबी आहे. मराठ्यांचा शेती हा व्यवसाय आहे. कुणी शेतमजूर आहे. कुणी बटाई करतं. आपल्याला शेतीचं न्याय असल्याशिवाय ते करता येत नाही. शेतीचं बटाई करणाऱ्यालाही शेतीचं ज्ञान असतं. त्यामुळे छगन भुजबळ हा माणूस विनाकारण मराठ्यांच्या मुळावर उठलेला आहे. हे मराठ्यांनी ओळखलं आहे”, असं मनोज जरांगे म्हणाले. “आता जीआरचं सुद्धा आपल्याला रक्षण करावं लागणार आहे, म्हणून मराठ्यांमध्ये खूप मोठी खदखद निर्माण झालेली आहे. आमचं हक्काचं आरक्षण आहे, आमच्या हक्काच्या नोंदी आहेत. त्याला तुम्ही का विरोध करता. हे सर्व मराठ्यांना समजलं आहे. त्यामुळे मराठे तापले आहेत. आपल्या जीआरला धक्का बसला तर रस्ते जाम करायचे. हा माणूस का आपल्या जीआरवर उठला आहे”, असं जरांगे मराठा समजाला उद्देशून म्हणाले.
“ओबीसी यादीचा 83 क्रमांक सांगतो की, मराठा आणि कुणबी एकच पोटजात-उपजात आहे. मग आता ह्यांनाही सिद्ध करावं लागेल की, 1967 ला फक्त 180 जाती होत्या. मग तुमच्या बाकी जाती कशा गेल्या? पोटजात-उपजात म्हणूनच ना? आमचाही कुणबी आणि मराठ्यांचा एकच व्यवसाय आहे. आमचेही आरक्षणाचे निकष पूर्ण होत आहेत. आता सगळ्यांना सारखंच सामोरं जावं लागणार आहे. तुम्ही आमचं वाटोळं करायला गेलात तुम्हाला आतापर्यंत कुणी विरोध केला नाही. का? कारण गोरगरिब ओबीसींच्या लेकराचं भलं होत आहे तर कशाला विरोध करायचा? आज आमच्या लेकराला तुम्ही विरोध करत आहात. तर आम्हालाही करावं लागेल”, असं जरांगे म्हणाले.
“तुम्हाला न्यायालयात कधी उत्तरे द्यावी लागली नाहीत. सरकारला कधी उत्तरे द्यावी लागली नाहीत. कारण मराठा हा मोठ्या मनाचा माणूस आहे. मराठा हा स्वच्छ मनाचा आहे. दुसऱ्याची भाकरी काढून घेणार नाही. पण आता न्यायालयही विचारणार की, 1967 ला ओबीसीत 180 जाती होत्या, मग आता एवढ्या कशा झाल्या? न्यायमंदिर आता उचलणार आणि सरकार सुद्धा विचारणार की, तुम्हाला मंडल आयोगाने 17 टक्के आरक्षण दिलं होतं, मग आता 30 टक्के आरक्षण कसं काय? एक जात गेली, मग नंतर जाती-पोटजाती कशा गेल्या? मग आमचीदेखील पोटजात आहे. आमचा व्यवसाय एक आहे. आतापर्यंत कुणी विचारत नव्हते. कारण कुणी आडवं जात नव्हतं”, असं म्हणत मनोज जरांगे यांनी कोर्टात कसा युक्तिवाद करणार याबाबत सूचक वक्तव्य केलं.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा