नंदुरबार जिल्ह्यातील शहादा तालुक्यातील बिलाडी येथील निवृत्त मुख्याध्यापक रामचंद्र निकुम वय (७६) यांनी पूर्ण आयुष्य विद्यार्थी घडवण्यासाठी घालवले. शिक्षण दानाचे कार्य करण्यासाठी त्यांची अनेक ठिकाणी बदल्या झाल्या. मुख्याध्यापक म्हणून ते निवृत्त झाले. त्यानंतर ते आपल्या गावी स्थायिक झाले.
Solapur Upsarpanch Case : अवघ्या 21 वर्षांच्या पूजाने गोविंदसोबत… मयत माजी उपसरपंचाच्या मित्राचे धक्कादायक गौप्यस्फोट
ग्रामीण भागामध्ये अनेक गावांना शवपेटी नसते. त्यामुळे गावातील एखाद्याचे निधन झाल्यास मृतदेहाच्या अवहेलना होऊ नये यासाठी लवकर अंत्ययात्रा काढण्यात येते. त्यामुळे जवळचे नातलग अंत्यदर्शनापासून वंचित राहतात. त्यामुळे निवृत्त मुख्याध्यापक रामचंद्र निकुम यांनी गावासाठी शवपेटी तसेच मृतदेह वाहून नेण्यासाठी लागणारे तिरडी खरेदी केली. त्यानंतर बुधवारी सकाळी दहा वाजेच्या सुमारास गावकऱ्यांना सुपूर्द केली.

Crime News : शिक्षिकेने ओढणी झटकत इशारा केला, जिल्हा परिषद शाळेचा मुख्याध्यापक रंगेहाथ सापडला, कारण ठरली…
गावातील सोशल मीडियाच्या विविध ग्रुपवर शिक्षकांनी गावासाठी केलेल्या मदतीबद्दल शुभेच्छा देण्यात येत होत्या. त्याच दरम्यान दुपारी चार वाजेच्या सुमारास सोशल मीडियाच्या ग्रुप वर निवृत्त मुख्याध्यापक रामचंद्र निकुम यांच्या मृत्यूची वार्ता आली. अवघ्या सहा तासापूर्वी देण्यात आलेल्या शवपेटीतच त्यांचा मृतदेह ठेवण्यात आल्याने सर्वत्र हळहळ व्यक्त करण्यात येत आहे. आयुष्यभर विद्यार्थ्यांना घडवणाऱ्या शिक्षकांनी अंतिम क्षणी समाजाप्रती बांधिलकी जपत समाजसेवेचा धडा दिल्याची चर्चा नागरिकांमध्ये रंगू लागली.

वीज पडून शेतकरी ठार

दुसरीकडे, गुरे चराईसाठी गेलेल्या शेतकऱ्याचा वीज पडून मृत्यू झाल्याची घटना बुधवारी दुपारी ४ वाजताच्या सुमारास भंडाऱ्यातील मानेगाव बाजार येथे घडली. बबन नत्थू भदाडे (५२) असे मृताचे नाव आहे. बबन हे सकाळी गुरे चराईसाठी शिवारात घेऊन गेले होते. दुपारच्या सुमारास अचानक ढग दाटून आले. पावसालाही सुरुवात झाल्याने त्यांनी झाडाचा आसरा घेतला. मात्र नेमक्या या झाडावरच वीज कोसळल्याने त्यांचा मृत्यू झाल्याचे गावकऱ्यांनी सांगितले.