बर्गे यांनी मंगळवारी सासुरे येथे स्वत:च्याच पिस्तुलातून गोळी झाडून घेऊन आत्महत्या केल्याचे पोलिस तपासात स्पष्ट झाले. वैराग पोलिसांनी या घटनेमध्ये वापरण्यात आलेल्या पिस्तुलाचादेखील तपास सुरू केला असून, शवविच्च्छेदन अहवालानंतर तपासाची दिशा ठरणार आहे.

बर्गे यांच्या नातेवाइकांनी पूजा गायकवाडविरोधात पोलिसांकडे तक्रार दाखल केली. काही नातेवाइकांनी या घटनेमध्ये घातपात असण्याची शक्यताही व्यक्त केली. आठ सप्टेंबरला बर्गे यांनी पूजाशी संपर्क साधण्याचा प्रयत्न केला; परंतु तिने नकार दिल्याने ते निराश झाले. दुसऱ्या दिवशी म्हणजे मंगळवारी पूजाच्या घरासमोरील मोकळ्या जागेत बर्गे यांनी स्वतःच्या गाडीमध्ये पिस्तुलाने गोळी झाडून घेऊन आत्महत्या केली, असे तक्रारीत म्हटले आहे.
Sangli Crime : स्वप्न भरपूर, पण आयुष्यात सर्वात मोठी चूक ठरली… 32 वर्षीय उच्चशिक्षित तरुणाने आयुष्य संपवलं, शेवटच्या पोस्टमध्ये ऋतुराज म्हणाला…

फिर्यादीनुसार काय काय घडलं?

लक्ष्मण चव्हाण यांनी दिलेल्या फिर्यादीनुसार, ‘गोविंद बर्गे आणि पूजा गायकवाड यांची ओळख २०२४ मध्ये तुळजाभवानी कला केंद्र, पारगाव येथे झाली. या ओळखीचे प्रेमसंबंधात रूपांतर झाले. त्यानंतर पूजाने वारंवार गोविंदकडे पैशांची मागणी केली. गोविंदने तिला महागडे मोबाइल, बुलेट मोटारसायकल, सोने-नाणी, प्लॉट, नातेवाइकांच्या नावे शेतजमीन, प्लॉट खरेदी करून दिला. त्यानंतरही गेवराईत बांधलेले नवीन घर नावावर न केल्यास बलात्काराचा खोटा गुन्हा दाखल करीन,’ अशी धमकी काही दिवसांपासून पूजा बर्गे यांना देत होती.

Pune Gang War : बंडू आंदेकर कोचीला गेलाय, पोलिसांना टिप; 70 वर्षीय गँगस्टरचा गेम झाला अन् हायवेवर मुलीसह सापडला

मित्राने काय सांगितलं?

या धमक्या आणि सततच्या पैशांच्या तगाद्यामुळे गोविंद मानसिकदृष्ट्या खचला होता. त्याने आपला मित्र चंद्रकांत शिंदे यांनादेखील निराश झाल्याचे सांगितले होते. बर्गे यांनी पूजाला स्वत:चे कला केंद्र सुरू करण्यासाठी सुमारे आठ लाख रुपये दिले होते. सासुरे येथील घर बांधण्यासाठीही पैसा पुरवला होता.’