Principal arrested for Bribe : शिक्षिकेने ओढणी झटकली अन् २० हजार रुपयांची लाच घेताना पंटरसह मुख्याध्यापक रंगेहाथ सापडला.
मुख्याध्यापक सोमनाथ भागोजी भावले, वय ५२ वर्ष, राहणार वसंत विहार, बीड बायपास, पंटर -शाळेतील संगणक ऑपरेटर गणेश रामनाथ कोथिंबीरे, वय २६ वर्ष, राहणार सातारा गाव, अशी आरोपींची नावे आहेत.
नेमकं काय आहे प्रकरण?
दरम्यान या प्रकरणी अधिक माहिती अशी की, तक्रारदार महिलेने मुख्याध्यापक सोमनाथ भावले याच्याकडे अर्जित रजा मंजूर करण्यासाठी अर्ज केला होता. मात्र रजा मंजूर करण्यासाठी भावले यांनी ऑपरेटर कोथिंबीरेच्या माध्यमातून शिक्षिकेकडे वीस हजारांची लाच मागितली. लाच देण्याची इच्छा नसल्याने शिक्षिकेने लाचलुचपत प्रतिबंधक विभागाकडे तक्रार केली.
एसीबीने ठरल्यानुसार सापळा रचला. ठरल्यानुसार शिक्षक महिलेने ऑपरेटर कोथिंबीरे याच्याकडे मुख्याध्यापक भावले यांच्या सांगण्यावरून वीस हजार रुपये दिले. एसीबीने सांगितल्यानुसार पैसे देताच महिला शिक्षकांनी ओढणी झटकून पथकाला इशारा दिला. याच वेळी पथकाने तात्काळ ताब्यात घेऊन दोघांना रंगेहाथ पकडले. त्यांच्याकडून २० हजार रुपयाची लाचेची रक्कम दोन मोबाईल जप्त करण्यात आली आहे.
खान्देशात शरद पवार गटाला मोठा धक्का! माजी आमदार अरुण पाटील पुन्हा स्वगृही परतले
ही कारवाई अधीक्षक माधुरी कांगणे, उपाधीक्षक संगीता पाटील यांच्या पथकातील जमादार सचिन बारसे यांनी केली. या प्रकरणी सातारा पोलीस ठाण्यात गुन्हा दाखल करण्यात आला असून पुढील तपास पोलीस करीत आहेत.
Pune Accident : पुण्यात डीजेच्या गाडीने सहा जणांना उडवलं, स्पर्धा परीक्षेची तयारी करणारा एकुलता एक मुलगा मृत्युमुखी
यवतमाळमध्ये १५ हजारांची लाच घेताना वनसर्वेक्षक जाळ्यात
दुसरीकडे, सागवानाची झाडे तोडण्यासाठी शेतात सर्वेक्षण करून देण्यासाठी १५ हजारांची लाच स्वीकारताना वनसर्वेक्षकाला लाचलुचपत प्रतिबंधक विभागाने अटक केली आहे. सुमित शंकरराव अक्कलवार (३२), असे त्याचे नाव आहे. अक्कलवार हा यवतमाळ वनविभागाच्या उपवनसंरक्षक कार्यालयात कार्यरत आहे. Solapur Crime : अवघ्या 21 वर्षांच्या पूजाने गोविंदसोबत… मयत माजी उपसरपंचाच्या मित्राचे धक्कादायक गौप्यस्फोट
यवतमाळ तालुक्यातील एका शेतकऱ्याने आपल्या शेतातील सागवानाच्या झाडांच्या कटाईसाठी सर्वेक्षण करून अहवाल देण्यासाठी अर्ज केला. तीन शेतांच्या सर्वेक्षणासाठी अक्कलवार याने ३० हजार रुपयांची मागणी केली. याशिवाय काम होणार नसल्याचे स्पष्ट करण्यात आल्याने शेतकऱ्याने रक्कम मान्य करून एसीबीत तक्रार दाखल केली. या आधारावर एसीबीचे उपअधीक्षक अभय आष्टेकर यांच्या मार्गदर्शनाखाली पोलिस निरीक्षक मनोज ओरके यांच्या पथकाने बुधवारी दुपारी उपवनसंरक्षक कार्यालयात सापळा रचला. शेतकऱ्याने रक्कम देताच रंगेहात अक्कलवार याला अटक करण्यात आली.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा