सहा लेनच्या दोन भुयारी मार्गांसाठी ७५०० कोटी रुपयांचा खर्च अपेक्षित आहे. दरम्यान, हा भुयारी मार्ग नागरिकांसाठी किती उपयुक्त राहणार आहे, या मार्गामुळे रस्त्यावरील किती वाहतूक सुरळीत होणार आहे, याचा शास्त्रीय अभ्यास करण्यात येणार आहे. त्यासाठी पीएमआरडीने ‘मोनार्क’ नावाची एजन्सी नेमली असून, ही एजन्सी पुढील दीड महिन्यात अहवाल सादर करणार आहे. त्या अहवालानुसार हा प्रकल्प राबवायचा की नाही, याचा निर्णय होणार आहे.
पनवेल-बोरिवली-वसईमार्गे लोकलची नवी मार्गिका; विरारपर्यंत खास लाइन, नव्या कॉरिडोरचा कसा होणार फायदा?
बाहेरील शहरातून पुणे शहरात येणाऱ्या नागरिकांसाठी; तसेच नोकरी, कामधंद्यासाठी सातत्याने शहराच्या या टोकापासून त्या टोकापर्यंत प्रवास करणाऱ्या पुणेकरांच्या गतिमान प्रवासासाठी रिंग रोड, विविध महामार्ग जोडणी असे अनेक प्रकल्प हाती घेण्यात आले आहेत. या बरोबरच सगळ्यात महत्त्वाचा प्रकल्प म्हणून येरवडा ते कात्रज भुयारी मार्ग करण्याचा प्रकल्प पीएमआरडीचे आयुक्त योगेश म्हसे यांनी हाती घेतला आहे.
पुणेकरांचा प्रवास आता सुस्साट होणार, एक तासाचं अंतर ५ ते १० मिनिटांत कापलं जाणार; कुठे-कसे असणार मार्ग?
मुख्यमंत्री देवेंद्र फडणवीस यांनी या प्रकल्पाला मान्यता दिली आहे. दरम्यान, साडेसात हजार कोटींचा प्रकल्प करताना या प्रकल्पाची उपयुक्तता किती आहे, हे तपासणे गरजेचे आहे. त्यासाठी संबंधित मार्गावर किती वाहने रोजचा प्रवास करतात, कोठे वाहतूक कोंडी होते, भुयारी मार्ग झाल्यास रस्त्यावरील किती ट्रॅफिक कमी होईल, याचा अभ्यास केला जाणार आहे. त्यासाठी पीएमआरडीने निविदाप्रक्रिया राबवून पुण्यातील मोनार्क एजन्सीला हे काम दिले आहे.

तीन महिन्यांचा अभ्यास

येरवडा ते कात्रज भुयारी मार्गाची उपयुक्तता तपासणी अहवाल सादर करण्यासाठी मोनार्च एजन्सी तीन महिने अभ्यास करणार आहे. दीड महिन्यापासून ही एजन्सी या मार्गावर काम करीत आहे. भुयारी मार्गाची उपयुक्तता तपासण्यात येणार आहे. येत्या दीड महिन्यात हा अहवाल सादर करणार आहे. हा अहवाल आल्यानंतर हा भुयारी मार्ग करायचा की नाही, याचा निर्णय मुख्यमंत्री घेणार आहेत.