विकास आराखड्यातील चार भुयारी मार्गावर अद्याप कुठलीही कार्यवाही झाली नसल्याने प्रस्तावित असलेल्या या दोन भुयारी मार्गाचे भविष्यही अंधारात सापडले आहे. आमदार हेमंत रासने यांच्याकडून शहराच्या मध्यवर्ती भागातील वाहतूक कोंडी फोडण्यासाठीः तसेच शिवाजी आणि बाजीराव रस्त्यावरील वाहनांची गर्दी कमी करण्यासाठी शनिवारवाडा ते स्वारगेट आणि स्वारगेट ते शनिवारवाडा या दोन भुयारी मार्ग तयार करावेत, अशी सूचना करण्यात आली आहे.
पुणेकरांचा प्रवास आता सुस्साट होणार, एक तासाचं अंतर ५ ते १० मिनिटांत कापलं जाणार; कुठे-कसे असणार मार्ग?
त्यासाठी त्यांनी केंद्रीय मंत्री नितीन गडकरी, मुख्यमंत्री देवेंद्र फडणवीस, सार्वजनिक बांधकाम मंत्री शिवेंद्रराजे भोसले यांच्याकडे सातत्याने पाठपुरावा सुरू केला आहे. ‘यशदा’ येथे या संदर्भात आत ऑगस्टला असलेल्या बैठकीत फडणवीस यांनी भुयारी मार्गाचे जाळे निर्माण करण्यासाठी नियोजन करण्याची सूचना महानगरपालिका आयुक्तांना केली.
Pune News : पुणेकरांनो महत्त्वाची बातमी, नदीपात्राच्या रस्त्याने जात असाल तर ही बातमी वाचाच, नेमकं काय कारण?
दरम्यान, शनिवारवाडा ते स्वारगेट आणि स्वारगेट ते शनिवारवाडा या दोन भुयारी मार्गांचं प्राथमिक व्यवहार्यता सर्वेक्षण करण्यासाठी तांत्रिक सल्लागार नियुक्त करण्यासाठी सार्वजनिक बांधकाम विभागाकडून हालचाली सुरू होत्या. मुख्यमंत्र्यांनी ही जबाबदारी महापालिकेवर सोपवल्यानंतर सार्वजनिक बांधकाम विभागाचे कार्यकारी अभियंता डॉ. सुरेद्रकुमार काटकर यांनी तातडीने महापालिकेला पत्र पाठवून, सल्लागार नियुक्त करण्याची प्रक्रिया रद्द केल्याचे सांगितले आहे. त्यासाठी तयार करण्यात आलेला आरएफपी अहवालही महापालिकेकडे सुपूर्द करण्यात आला आहे.

शिवाजी रस्ता आणि बाजीराव रस्ता हे शहरातील मध्यवर्ती आणि वाहतुकीच्या दृष्टीने महत्त्वाचे मार्ग असून, दररोज लाखो वाहनांची वर्दळ या मार्गावरून होत असते. हे दोन्ही रस्ते दक्षिणोत्तर मार्गाचा महत्त्वाचा दुवा असून, भविष्यात ‘लिंक कॉरिडॉर’ म्हणून उपयोग होण्याची त्यांची क्षमता आहे. या पार्श्वभूमीवर ‘भुयारी चौपदरी मार्ग’ हा महत्त्वाचा प्रकल्प ठरणार आहे.

भवितव्य अंधारात

विकास आराखड्यातील चार भुयारी मार्गावर अद्याप कुठलीही कार्यवाही झाली नसल्याने प्रस्तावित असलेल्या या दोन भुयारी मार्गाचे भविष्यही अंधारात सापडले आहे.