रायगड जिल्ह्यातील महाड तालुक्यात असणाऱ्या औद्योगिक वसाहती मधील एका कंपनीच्या पन्नास वर्षीय व्यवस्थापक त्याच्या कंपनीत काम करीत असलेल्या पंचवीस वर्षीय पीडित महिला महिला यांना कंपनीच्या कामानिमित त्याच्या केबिन मध्ये फोन करून बोलविले होते. पीडित महिला कर्मचारी साहेबांनी बोलविले म्हणून तातडीने व्यवस्थापक यांच्या केबिनमध्ये गेली. मात्र त्यावेळी 4 कंपनीचे व्यवस्थापक हे त्यावेळी उपस्थित नव्हते. म्हणून व्यवस्थापक हे कुठे आहेत हे पाहण्यासाठी महिला कर्मचारी यांनी त्यांना तिच्याकडे असलेल्या भ्रमणध्वनीवरून संदेश पाठवून विचारणा केली की तुम्ही मला बोलविले आणि तुम्ही कुठे निघून गेला आहेत. अशी विचारणा केली. यानंतर आरोपी कंपनी व्यवस्थापक याने पीडित महिला कर्मचारी यांना भ्रमणध्वनीवर संपर्क साधला आणि म्हणाले की, कंपनीच्या कामाबाबत एक चर्चा करायची आहे म्हणून तू महाड शहरातील माझ्या राहत्या घरी ये. आपण कंपनीच्या कामाबाबत चर्चा करू असे म्हणून फोन बंद केला.
धक्कादायक! ४२ वर्षीय व्यावसायिकाने दुकानातच संपवलं जीवन, परिसरात उडाली खळबळ
व्यवस्थापक यांचा फोन असल्याने पीडित महिला कर्मचारी ही तातडीने आरोपी व्यवस्थापक यांच्या महाड शहरातील घरी गेली. त्यावेळी आरोपी याने पीडित महिला हिचे मनाविरुध्द तिचे कंबरेला, पोटाला हात लावुन त्यानंतर तिस मिठी मारुन तिने आरोपीत यास लांब ढकलले असताना आरोपीत याने पिडीत महीला हिचे पाठीमागुन येऊन मिठी मारली. अश्लील असे बोलुन पीडित महिलेच्या मनास लज्जा उत्पन्न होईल असे कृत्य केले. याबाबत महाड एम.आय.डी.सी पोलीस ठाणे गुरनं.96/2025, भारतीय न्याय संहिता 2023 चे कलम 74,75(2),75(3) प्रमाणे गुन्हा दाखल करण्यात आला असून अधिक तपास सहाय्यक पोलीस निरीक्षक जीवन माने यांच्या मार्गदर्शनाखाली पोलीस उप निरीक्षक विक्रम फडतरे हे करीत आहेत.