मुंबईतील आंदोलनानंतर मनोज जरांगे पहिल्यांदाच अंतरवाली गावात दाखल झाले. मुंबईतून निघाल्यापासून जरांगे छ. संभाजीनगरच्या रुग्णालयात उपचार घेत होते. सोमवारी (८ सप्टें.) जरांगेंना गॅलक्सी रुग्णालयातून डिस्चार्ज देण्यात आला. जरांगे अंतरवालीत दाखल होताच गावकऱ्यांनी मोठ्या थाटात स्वागत केलं. शेवटी मराठ्यांनी विजय मिळवलाच अशी भावना जरांगेंनी व्यक्त केली. मागच्या चुका आता विसरून जावू, असं आवाहनही त्यांनी ग्रामस्थांना केलं.